Komıtet tóraǵasynyń málimdeýinshe, qutqarýshylar kúnine orta eseppen 150-ge jýyq túrli sıpattaǵy tótenshe jaǵdaıǵa baılanysty shaqyrtý alsa, olardyń bul basym bóligi tilsiz jaýdy aýyzdyqtaýǵa qatysty. Ol sondaı-aq jyl basynan beri turǵyn úı sektorynda tirkeletin órttiń 13,6 paıyzǵa tómendegenin, alaıda qaza tapqandar sanynyń 16, jaraqat alǵandardyń 45 paıyzǵa óskenin aıtty: «TJM bólimsheleri elimizdiń barlyq óńirinde 15 tamyzdan 15 qazanǵa deıin respýblıkalyq órt qaýipsizdigi aksııasyn jyl saıyn ótkizedi».
О́rt qaýipsizdigi is-sharasy kezinde jergilikti ákimdik ókilderimen birlesip, áleýmettik-turmystyq jaǵdaıy nashar, kópbalaly otbasylardan shyqqan jetkinshekterdiń, jetim balalardyń turǵyn úılerine baryp, olarǵa naqty qandaı kómek qajet ekenin anyqtaý, tótenshe jaǵdaılar týyndaýyna neǵurlym beıim, ıaǵnı avtonomdy jylytý júıeleri bar turǵyn úılerdi aralap, órttiń aldyn alý jumystary júrgiziledi.
N.Derbisovtiń málimdeýinshe, qazirgi ýaqytta TJM-de 107 myńnan astam turǵyn úı esepke alynǵan. Aksııa kezinde bul úılerdiń barlyǵy tolyq tekserilip, shamamen 400 myń adamǵa nusqaý berilgen. Profılaktıkalyq jumystar avtonomdy jylytý júıeleri bar úılerdiń turǵyndary arasynda áli de jalǵasýda.
