Atalmysh zań talaby temeki buıymdaryn, onyń ishinde qyzdyrylatyn temekisi bar buıymdardy, kalıanǵa arnalǵan temekini, kalıan qospasyn, temekini qyzdyrýǵa arnalǵan júıelerdi, elektrondyq tutyný júıelerin jáne olarǵa arnalǵan suıyqtyqtardy (temeki ónimderi) ornalastyryp jáne ashyq kórsete otyryp satýǵa tyıym salady. Mınıstrliktiń baspasóz qyzmetiniń habarlaýynsha, saýda jelilerinde zańnamanyń osy normalary júıeli túrde buzylady.
«Osyǵan baılanysty, Saýda mınıstrligi ákimdikterge, sondaı-aq «Atameken» QR Ulttyq kásipkerler palatasyna, saýda jelileri odaǵyna, saýda kásiporyndary men shaǵyn marketter qaýymdastyǵyna saýda qyzmeti sýbektileriniń nazaryna túsindirý aqparatyn jetkizý, sondaı-aq temeki ónimderin ornalastyrý jáne satý kezinde zańnamany buzýǵa jol bermeý maqsatynda qajetti sharalar qabyldaý qajettiligi týraly hat joldady. Sonymen birge, temeki ónimderi týraly aqparat satyp alýshylardyń nazaryna mátini bir saýda ornyna kólemi 40h30 santımetrden aspaıtyn aq fonda qara tústi birdeı mólsherdegi áriptermen oryndalǵan jáne qandaı da bir grafıkalyq beıneler men sýretterdi paıdalanbaı satylatyn temeki ónimderiniń baǵasyn kórsete otyryp, álipbılik tártippen jasalǵan satylatyn ónimniń tizbesin ornalastyrý arqyly jetkiziletinin qosymsha túsindiremiz», delingen habarlamada.
Saýda nysanynda satyp alýshyǵa temeki ónimin kórsetý, satylatyn temeki óniminiń tizbesimen tanysqannan keıin onyń talap etýi boıynsha júzege asyrylýy múmkin.
Sondaı-aq, aqparat týraly, temeki jáne temeki buıymdary týraly, temeki jáne temeki buıymdaryn satý jónindegi, sondaı-aq temeki buıymdaryn ımıtasııalaıtyn taýarlardy, onyń ishinde qyzdyrylatyn temekisi bar buıymdardy óndirý, satý jáne taratý jónindegi zańnamanyń talaptaryn buzǵany úshin «Ákimshilik quqyq buzýshylyq týraly» QR Kodeksiniń (ÁQBtK) 198 jáne 199-baptary sheńberinde ákimshilik jaýapkershilik kózdelgenin atap ótemiz.
Bul rette, ÁQBtK-niń 198-baby boıynsha isterdi qaraý ishki ister organdarynyń quzyretine, 199-baby boıynsha - oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organdarynyń quzyretine jatady.
198-bapty buzǵany úshin aıyppul sanksııalary kásipkerlik sýbektisiniń nysanyna jáne buzýshylyqtardyń qaıtalanýyna baılanysty 10-nan 100 aılyq eseptik kórsetkishke deıin (AEK) jáne 199-bapty buzǵany úshin 15-ten 120 AEK-ke deıin quraıdy.
