«Aldyn ala derekterge sáıkes, Ulttyq qordyń valıýtalyq aktıvteri ótken aıda shamaly ǵana ózgerip, qazannyń sońynda 55,1 mlrd dollarǵa jetti. Kepildik berilgen jáne nysanaly transfertterdi bólý úshin qazanda valıýta naryǵynda 988 mln AQSh dollary somasyna aktıvter satyldy, bul 420 mlrd teńgege balama mólsherdi bildiredi. Bul rette, respýblıkalyq bıýdjettiń qajettiligin qanaǵattandyrý úshin Ulttyq qordan shamamen 428 mlrd teńge transfertter bólindi», deıdi ol.
Spıkerdiń sózinshe, qazanda qorǵa túsken túsim 103 mlrd teńge boldy.
«Eger qyrkúıekte biz naryqtardaǵy aıtarlyqtaı túzetýdiń kýási bolsaq, qazanda aksııalar naryǵynyń qalpyna kelýi jáne onyń odan ári ósýi baıqaldy. Nátıjesinde, qazannyń qorytyndysy boıynsha Ulttyq qordyń ınvestısııalyq kirisi oń qalyptasty jáne negizinen aksııalar men altynnyń tıisinshe 5,69%-ǵa jáne 3,78%-ǵa ósýi esebinen 871 mln AQSh dollaryn qurady. Ulttyq qordyń aktıvterin teńgerimdi allokasııalaý esebinen ınvestısııalyq kiris jyl basynan beri qalpyna kelip, 2 mlrd AQSh dollary nemese 3,44 paıyz boldy», dep naqtylady Álııa Moldabekova.
Sonymen qatar, ol qarasha aıynda aksııalardyń ósimi jalǵasatynyn jetkizdi.
«Osyǵan baılanysty osy aıdyń basynan bastap Ulttyq qordyń ınvestısııalyq kirisi taǵy da 470 mln AQSh dollaryna ósti jáne jyl basynan bastap 2,45 mlrd AQSh dollary nemese 4,3% boldy», dedi Ulttyq bank ókili.
