Jıynǵa QR Aqparat jáne qoǵamdyq damý mınıstrliginiń qyzmetkerleri, sarapshylar qaýymdastyǵy men úkimettik emes uıymdardyń ókilderi, barlyq deńgeıdegi qoǵamdyq keńesterdiń belsendi músheleri qatysty.
«Ulttyq baıandama siz ben bizdiń ortaq jumysymyzdyń nátıjelerin kórsetedi, sondyqtan ol qoǵamdyq keńester jumysynyń nátıjeleri men taldaýyn ǵana emes, bar máselelerdi jáne olardy retteý jónindegi sharalardy da kórsetýi tıis», dep atap ótti Aqparat mınıstri.
Vedomstvo basshysynyń aıtýynsha, anyqtalǵan máselelerdi sheshý úshin ázirlengen usynymdar jergilikti jerlerde der kezinde iske asyrylýy tıis. Alǵash ret Ulttyq baıandama el Prezıdentiniń nazaryna usynylady, sondyqtan ol sapaly, tolyqqandy jáne obektıvti bolýy kerek.
Baıandamany talqylaý barysynda belgili saıasattanýshylar Andreı Chebotarev, Juldyzaı Ysqaqova men Aleksandr Bratenkov óz baqylaýlary men pikirilerin ortaǵa saldy.
«Ulttyq baıandama jobasy respýblıkadaǵy qoǵamdyq keńester ınstıtýtynyń qalyptasýynyń negizgi kezeńderin qamtıdy, respýblıkalyq jáne jergilikti deńgeıde jınaqtalǵan jumys tájirıbesin sıpattaıdy», dedi «Alternatıva» ózekti zertteýler ortalyǵynyń dırektory Andreı Chebotarev.
Azamattyq qoǵam atynan baıandamanyń mazmuny jóninde Baqytgúl Hambar, Sergeı Gýlıaev, Aıdar Amrebaev, Gúlnar Qurbanbaeva, Marat Báshimov, Baljan Dosmuhamedova, Qaırat Jańabekov syndy jetekshi otandyq sarapshylar óz pikirlerimen bólisti.
Zertteý jumysy búgingi qalyptasqan saıası jaǵdaılarda jumys isteıtin tásilderdi qalyptastyrýǵa múmkindik beretin jáne Qazaqstanda azamattyq qoǵamdy údemeli damytý sheńberinde qoǵamdyq keńester ınstıtýtyn jetildirýge baǵyttalǵan problemalyq aımaqtardy anyqtaý men usynymdardy tujyrymdaýǵa, qolda bar tásilderdi qaıta baǵamdaýǵa baǵyttalǵan.
