Qoǵam • 10 Qarasha, 2021

Qazaqstanda kólik salyǵy qaıta esepteledi

633 ret

kórsetildi

1 mın

oqý úshin

Qarjy vıse-mınıstri Marat Sultanǵazıev 96 myń kólik ıesine salyq qaıta esepteletinin aıtty. Mundaı norma Májiliste talqylanyp jatqan Salyq kodeksine engizilgen ózgerister aıasynda qarastyrylyp otyr, dep habarlaıdy Egemen.kz.

Gaýhar QAPASh

Qazaqstanda kólik salyǵy qaıta esepteledi

Májilis depýtaty Ekaterına Smyshlıaevanyń aıtýynsha, halyq arasynda gazel atalyp ketken avtokólikterge salynatyn kólik salyǵy qazirgideı qozǵaltqysh kólemine emes, júk kótergishtigine baılanysty belgilengen mólsherlemeler boıynsha tólenedi. Norma shamamen 96 myń kólikke áser etedi. Ol 2021 jyldyń 1 qańtarynan qaıta esepteledi.

«Zańdy tulǵalardyń 2021 jylǵa arnalǵan kólik salyǵyn tóleý merzimi 2021 jyldyń 5 shildesinde aıaqtaldy. Al jeke tulǵalar men jeke kásipkerler úshin 2022 jyldyń 31 naýryzynda aıaqtalady. Sondyqtan salyq tólegen kólik ıeleri úshin ony qaıta esepteý qajet. 2021 jyldyń salyǵyn tólep qoıǵandarǵa salyqty qaıta esepteý qalaı uıymdastyrylady?», dep surady depýtat Májilistiń jalpy otyrysynda.

Qarjy vıse-mınıstri Marat Sultanǵazıevtiń aıtýynsha, kólik ıeleri úshin kólik salyǵy shynymen azaıady.

«Máselen, 3,5 myń tekshe santımetr kólik úshin salyq 136 myńnan 20 myńǵa deıin tómendetildi. Bul mólsherleme 2021 jyldyń basynda engiziledi. Esepshottardy, aqparattyq júıelerdi biriktirýimiz kerek, oǵan N1 belgisi qoıylady. Bul belgi paıda bolǵannan keıin salyq stavkalary tómendetilgen, ıaǵnı júk kóligine qatysty qoldanylady, ótinish boıynsha salyq qaıtarylady», dep jaýap berdi Sultanǵazıev.

Zań jobasy Májiliste birinshi oqylymda maquldandy.