«Biz el aýmaǵynda qandaı da bir qaqtyǵystardyń bolǵanyn qalamaımyz jáne onyń aldyn alý úshin barlyǵyn jasaýǵa tyrysamyz. Batyl sharalar qabyldanatyn bolady», dedi ol. Belarýs SIM basshysy shekaradaǵy jaǵdaıdyń qalaı órbıtinine eshkim kepildik bere almaıtynyn da tilge tıek etti.
«Búgingi tańda áriptesterimiz tarapynan týyndaıtyn syn-qaterler men qaýipterge qandaı da bir sıtýasııalyq den qoıý saldarynan naqty boljam aıtý múmkin emes», dedi mınıstr.
Dúısenbi kúni Belarýs memlekettik shekara komıteti bosqyndardyń úlken toby Belarýs pen Polsha shekarasyna bet alǵanyn habarlaǵan bolatyn.
Polıak kedergileriniń aldyndaǵy shekara syzyǵyna 2 myńnan astam bosqyn toqtady, onyń ishinde áıelder men balalardyń kópshiligi stıhııalyq lager qurdy. Polıak qaýipsizdik kúshteri olardy jibermegendikten, mıgranttar kedergilerdi jeńýge tyrysty.
Jaqynda Lıtva, Latvııa jáne Polsha Belarýs elinen kelip, shekarada ustalǵan zańsyz mıgranttar sanynyń óskenin habarlady. Olar resmı Mınskini kóshi-qon daǵdarysyn jasady dep aıyptady. Mınsk barlyq aıyptaýlardy joqqa shyǵardy. Jaǵdaıǵa baılanysty Polsha prezıdenti Belarýs memleketimen shekaralas aýmaqtarda tótenshe jaǵdaı rejımin engizdi, ásker men polısııa shekarany qorǵaýǵa tartyldy. Belarýs Prezıdenti Aleksandr Lýkashenko Mınsk budan bylaı EO elderine zańsyz mıgranttardyń aǵynyn toqtatpaıtynyn atap ótti.
Áıtkenmen 150-ge jýyq zańsyz bosqyndar toby keshe túnde Belarýs-Polsha shekarasyna shabýyl jasaǵany málim boldy. Bul týraly Polsha IIM ókilderi habar taratty.
