BUU málimetinshe, 2020 jyldyń aıaǵynan 2021 jyldyń maýsymyna deıin bosqyndardyń jalpy sany 82,4 mıllıonnan 84 mıllıonǵa deıin ósti. Onyń ishinde 51 mıllıon májbúrli qonys aýdarýshylar óz eliniń ishinde kóshken, olardyń kópshiligi - Kongo men Efıopııanyń ókilderi. Sonymen qatar, Mıanma men Aýǵanstandaǵy jaǵdaı adamdardy 2021 jylǵy qańtar-maýsym aralyǵynda úılerinen ketýge májbúr etkeni aıtyldy.
«Halyqaralyq qoǵamdastyq adamdardy úılerin tastap ketýge májbúr etetin zorlyq-zombylyq, qýdalaý jáne adam quqyqtarynyń buzylýyna tosqaýyl qoıa almady», dedi Fılıppo Grandı, BUU-nyń bosqyndar isi jónindegi Joǵarǵy komıssary.
Onyń aıtýynsha, klımattyń ózgerýiniń saldary bosqyndardyń ýaqytsha turatyn kóptegen aýdandaryndaǵy onsyz da qıyn jaǵdaıdy ýshyqtyryp jatyr.
Jalpy, bosqyndardyń kópshiligi bes elden keledi: Ortalyq Afrıka Respýblıkasy - 71,8 myń, Ońtústik Sýdan - 61,7 myń, Sırııa - 38,8 myń, Aýǵanstan - 25,2 myń jáne Nıgerııa-20,3 myń.
12 mıllıonnan astam adam áli kúnge deıin azamattyǵy joq. Sondaı-aq BUU bıyl 126,7 myń bosqynnyń úılerine oralǵanyn aıtty.
Buǵan deıin BUU álemdik qaqtyǵystar saldarynan álemde barlyǵy 48 mıllıon adam bosqyn mártebesine ıe bolǵanyn habarlaǵan. Bul rekordtyq oqıǵa.
