Elbasy óziniń bıylǵy Joldaýynda barlyq salalardyń damýyna strategııalyq kózqaraspen qaraý qajettigin atap ótti. Demek, naqty jáne tujyrymdy damý qyrlary elimizdiń alǵa qoıǵan maqsattarynan aýytqymaı, halqymyzdyń kúndelikti suraqtaryn sheshýge múmkindik beretindeı etip uıymdastyrylýy qajet. Osy rette halyq turmysyn jaqsartýdyń basty baǵyttarynyń biri – baspana máselesin sheshý bolyp tabylatyny sózsiz. Elbasy tapsyrmasyn oryndaý úshin ázirlengen «Qoljetimdi turǵyn úı -2020» baǵdarlamasy naq osy maqsatqa qyzmet etetindigi aıqyn.
«Samuryq-Qazyna» jyljymaıtyn múlik qory» AQ – «Qoljetimdi turǵyn úı-2020» baǵdarlamasy operatorlarynyń biri bolyp tabylady. Ol úleskerlerdiń máselelerin sheshý, qańtarylǵan nysandardyń qurylysyn aıaqtaý jáne jyljymaıtyn múlik naryǵyn turaqtandyrýǵa járdemdesý maqsatynda qurylǵan bolatyn.
Jyljymaıtyn múlik qory qazirgi kúni qandaı istermen shuǵyldanýda? Qordyń qatysýymen salynǵan úıdi qalaı alýǵa bolady. Osyny bilmek bolyp, qordyń basqarma tóraǵasy Bolat PALYMBETOVTY áńgimege tarttyq.
– Bolat Ábilqasymuly, Qor ótken jyldy qalaı aıaqtady? Ústimizdegi jylǵa qandaı jumystar josparlanǵan? Qor arqyly úıli bolǵan, óziniń turǵyn-úı jaǵdaıyn jaqsartqan adamdar bar ma?
– «Samuryq-Qazyna» jyljymaıtyn múlik qory» AQ óziniń qyzmettik baǵyty boıynsha «Qoljetimdi turǵyn úı-2020» baǵdarlamasyn júzege asyrýǵa belsendi túrde qatysýda. Qazirgi ýaqytta osy boıynsha belgilengen nysanaly ındıkatorlar men baǵdarlama kórsetkishterine sáıkes jumystar júrgizip keledi.
Máselen, ótken jyly «Qoljetimdi turǵyn úı-2020» baǵdarlamasyn iske asyrý aıasynda Astana, Almaty, Aqtóbe, Taraz qalalarynda jáne Almaty oblysynda (Almaty qalasynyń tóńireginde) ornalasqan jeti turǵyn úı qurylysynyń jobasyn qarjylandyrý jóninde qurylys salýshylarmen tıisti sharttar jasadyq. Bul ǵımarattardyń jalpy aýdany shamamen 578 myń sharshy metrdi quraıdy.
Al endi atqarylǵan isterge kelsek, 2013 jyly Aqtóbe jáne Taraz qalalarynda kóp páterli eki turǵyn úı paıdalanýǵa berildi. Bul eki úı 610 páterden turady. Jalpy turǵyn aýdany 32,5 myń sharshy metrdi qurasa, sonyń 24 myń sharshy metrdi quraıtyn 477 páter qurlysyn bizdiń qor qarjylandyrdy.
Qor 2014 jyldyń aıaǵyna deıin atalǵan baǵdarlama aıasynda 130 myń sharshy metr bolatyn baspanany ázirlep, olardy satyp alý quqyǵymen el azamattarynyń paıdalanýyna berýdi josparlaýda.
– Sizderge úı alý jóninde qandaı adamdar ótinishpen habarlasa alady? «Satyp alý quqyǵymen beriletin jaldamaly baspana» tetigi jaıly tolyǵyraq aıtyp berseńiz?
– Bizdiń qordyń baǵdarlamasy aılyq jalaqysynyń kólemi 100 myń teńgeden asatyn ortasha tabysy bar adamdarǵa arnalǵan. Osyndaı múmkindigi bar úı alǵysy keletin azamattar baǵdarlamaǵa qatysý jóninde ótinish berýmen birge óziniń jetkilikti tólem qabiletin rastaýy qajet. О́tinishterdi qaraǵan kezde Úkimettiń qaýlysyna sáıkes baspanasy joq nemese turǵyn úı jaǵdaıyn jaqsartqysy keletin adamdarǵa basymdyq beriletindigin eske sala ketsek, artyq bolmas. Sonymen qatar, respýblıka aýmaǵynda baspanasy joq nemese turǵyn úı jaǵdaıyn jaqsartqysy keletin adamdar óz quqyǵyn osy baǵdarlama sheńberinde bir-aq ret qana paıdalana alatynyn atap ótken jón.
Bizdiń júıe boıynsha páterlerdi satýdyń eki joly qarastyrylǵan. Birinshisi – tikeleı satý, ekinshisi – satyp alý quqyǵymen jaldaýǵa berý. Osy tásilderge sáıkes biz páterlerdi ótkizý erejesin ázirledik. Ol ereje ýákiletti organdar bekitýine berilgen.
Búginde osynyń ekinshi tásili, ıaǵnı Jyljymaıtyn múlik qorynyń qatysýymen azamattarǵa satyp alý quqyǵymen jaldaýǵa berý úshin 150 000 sharshy metr bolatyn turǵyn úıler salynýda. Páterlerdi ótkizý qaǵıdattary men erejelerin ýákiletti organ bekitkennen keıin bul jóninde BAQ-ta habar jarııalanatyn bolady.
Qazirgi ýaqytta páter alý kezegin qalyptastyrýdyń túrli joldary qarastyrylýda. Sonyń ishinde jergilikti atqarýshy organdardyń qatysýymen ótkizý joldary qarastyrylýda. Bul bizdiń júıe boıynsha salynǵan páterler dál qazirdiń ózinde bólinedi degen sóz emes. Salynyp jatqan páterler ázir bóline qoıǵan joq. Tek kimderge jáne qandaı joldarmen berý máselesi anyqtalý ústinde. Páterlerdi naqty bólý, olardy ótkizý erejesi túpkilikti bekitilgen soń ǵana júzege asyrylatyn bolady.
– Biraq, soǵan qaramastan Jyljymaıtyn múlik qory arqyly tapsyrylatyn úılerdi qandaı adamdardyń ala alatyndyǵyn qazirdiń ózinde shamalaýǵa bolady ǵoı?
– Iá, shamalaýǵa bolady. О́ıtkeni, bizdiń qolymyzda onyń negizi qaǵıdatyn belgilegen Úkimet qaýlysy bar. Ol boıynsha páterlerdi bólgen kezde ózi qyzmet etetin qalada baspanasy joq nemese turǵyn úı jaǵdaıyn jaqsartýǵa muqtaj jáne jalgerlik aqyny óteı alatyn azamattarǵa basymdyq beriledi. Osy qaǵıdaǵa sáıkes alatyn adamdardyń tizimin anyqtaý jóninde jumystar júrgizilýde. Biraq, bul – jalpy tártip. О́ıtkeni, bólýdiń naqty erejesi áli bekitilgen joq. Ol bekigennen keıin baryp qana naqty adamdarǵa bólýdi júzege asyrýǵa bolady.
Osyǵan oraı «Samuryq-Qazyna» Jyljymaıtyn múlik qory» AQ-tyń www.fnsk.kz saıtynda «Qoljetimdi turǵyn úı-2020» baǵdarlamasy sheńberinde baspana alýǵa ótinimder qabyldaıtyn baǵdarlamalyq jasaqtamanyń úlgi-nusqasy iske qosylǵan bolatyn. Páter alǵysy keletin azamattar bul jóninde bizdiń saıt arqyly habardar. Onda bul úlgi-nusqa áli de talqylanatyny jáne azamattarǵa qolaıly bolý jaǵy áli de pysyqtalatyny, ıaǵnı jetildirile túsetindigi jóninde eskertken edik. Endi, mine, jetildirilgen platforma boıynsha baspana ótkizý baǵdarlamasynyń jańa nusqasy ázirlengendigin aıta ketpekpin.
– Osyǵan baılanysty taǵy bir suraq. Sizderge úı nemese páter alý úshin tek saıt arqyly ǵana tirkelýge bolady eken. Bul – árıne, óte jaqsy jeńildik jáne ony uıymdasqan jemqorlyqtyń jolyn kesýdiń bir tásili deýge de bolady. Biraq keıbir azamattar ótinishimizdi saıt tirkeýge almady degen ókpemen redaksııamyzǵa habarlasty. Mundaı jaǵdaıdyń bolýy múmkin be?
– Bul jerde sál de bolsa bir túsiniksizdiktiń bar ekendigi seziledi. www.fnsk.kz saıtyna tirkelý baspana alýǵa ótinim berý bolyp sanalmaıdy. Bul ótinimderdi qabyldaý júıesine kirý úshin parol alý múmkindigi ǵana.
Osyǵan oraı dál qazirgi sátte páterlerdi tapsyrý isiniń áli bastalmaǵandyǵyn taǵy bir qaıtalap aıtamyn. Osy jáıtke basa nazar aýdarýdy suraımyn. Áıtpese, túsinbestik saldarynan ókpeshi men narazy adamdardyń da bolatyny ras.
Bizdiń ótinim qabyldaýdyń baǵdarlamalyq úlgisin aldyn ala saıtqa ilgendegi maqsatymyz – birinshiden, adamdardy aldyn ala tirkeý qajet boldy. Sebebi, birinshiden, tirkelý úshin azamattarǵa ESQ (elektrondy-sandyq qol) alý qajet. Ekinshiden, ótinim bererden buryn qandaı is-qımyldar jasaý kerektigin testilik júıede jattyǵyp túsiný úshin jaǵdaı týǵyzsaq dep edik. Osyǵan baılanysty redaksııalaryńyzǵa shaǵymdanýshy azamattarǵa aıtarym, bizdiń júıe boıynsha tapsyrylatyn baspanalar boıynsha áli naqty ótinim qabyldanyp jatqan joq. Sebebi, konkýrs áli jarııalanǵan joq. Tek konkýrs jarııalanǵan soń ǵana saıttaǵy barlyq fýnksııalar iske qosylady.
Osy rette eskerte ketetin taǵy bir jáıt bar. «Samuryq-Qazynanyń» Jyljymaıtyn múlik qory arqyly «Qoljetimdi turǵyn úı-2020» baǵdarlamasyn júzge asyrý isi ákimdikterdegi memlekettik turǵyn úı qorynan páter alǵysy keletinder kezegine túsetin salmaqty birshama jeńildetý maqsatynda qolǵa alynǵan bolatyn. Osyǵan baılanysty «Qoljetimdi turǵyn úı-2020» baǵdarlamasy boıynsha páter úlestirý tetigi jergilikti atqarýshy organdardyń qatysýymen qarastyrylýda. Demek, úmitkerlerdi irikteý aldymen ákimdikter arqyly, al qalǵan baspana, buryn josparlanǵandaı, ınternet, ıaǵnı bizdiń saıt arqyly ótkiziledi dep josparlanýda.
– Áńgimeńizge rahmet.
Áńgimelesken
Suńǵat ÁLIPBAI,
«Egemen Qazaqstan».
– Bolat Ábilqasymuly, Qor ótken jyldy qalaı aıaqtady? Ústimizdegi jylǵa qandaı jumystar josparlanǵan? Qor arqyly úıli bolǵan, óziniń turǵyn-úı jaǵdaıyn jaqsartqan adamdar bar ma?
– «Samuryq-Qazyna» jyljymaıtyn múlik qory» AQ óziniń qyzmettik baǵyty boıynsha «Qoljetimdi turǵyn úı-2020» baǵdarlamasyn júzege asyrýǵa belsendi túrde qatysýda. Qazirgi ýaqytta osy boıynsha belgilengen nysanaly ındıkatorlar men baǵdarlama kórsetkishterine sáıkes jumystar júrgizip keledi.
Máselen, ótken jyly «Qoljetimdi turǵyn úı-2020» baǵdarlamasyn iske asyrý aıasynda Astana, Almaty, Aqtóbe, Taraz qalalarynda jáne Almaty oblysynda (Almaty qalasynyń tóńireginde) ornalasqan jeti turǵyn úı qurylysynyń jobasyn qarjylandyrý jóninde qurylys salýshylarmen tıisti sharttar jasadyq. Bul ǵımarattardyń jalpy aýdany shamamen 578 myń sharshy metrdi quraıdy.
Al endi atqarylǵan isterge kelsek, 2013 jyly Aqtóbe jáne Taraz qalalarynda kóp páterli eki turǵyn úı paıdalanýǵa berildi. Bul eki úı 610 páterden turady. Jalpy turǵyn aýdany 32,5 myń sharshy metrdi qurasa, sonyń 24 myń sharshy metrdi quraıtyn 477 páter qurlysyn bizdiń qor qarjylandyrdy.
Qor 2014 jyldyń aıaǵyna deıin atalǵan baǵdarlama aıasynda 130 myń sharshy metr bolatyn baspanany ázirlep, olardy satyp alý quqyǵymen el azamattarynyń paıdalanýyna berýdi josparlaýda.
– Sizderge úı alý jóninde qandaı adamdar ótinishpen habarlasa alady? «Satyp alý quqyǵymen beriletin jaldamaly baspana» tetigi jaıly tolyǵyraq aıtyp berseńiz?
– Bizdiń qordyń baǵdarlamasy aılyq jalaqysynyń kólemi 100 myń teńgeden asatyn ortasha tabysy bar adamdarǵa arnalǵan. Osyndaı múmkindigi bar úı alǵysy keletin azamattar baǵdarlamaǵa qatysý jóninde ótinish berýmen birge óziniń jetkilikti tólem qabiletin rastaýy qajet. О́tinishterdi qaraǵan kezde Úkimettiń qaýlysyna sáıkes baspanasy joq nemese turǵyn úı jaǵdaıyn jaqsartqysy keletin adamdarǵa basymdyq beriletindigin eske sala ketsek, artyq bolmas. Sonymen qatar, respýblıka aýmaǵynda baspanasy joq nemese turǵyn úı jaǵdaıyn jaqsartqysy keletin adamdar óz quqyǵyn osy baǵdarlama sheńberinde bir-aq ret qana paıdalana alatynyn atap ótken jón.
Bizdiń júıe boıynsha páterlerdi satýdyń eki joly qarastyrylǵan. Birinshisi – tikeleı satý, ekinshisi – satyp alý quqyǵymen jaldaýǵa berý. Osy tásilderge sáıkes biz páterlerdi ótkizý erejesin ázirledik. Ol ereje ýákiletti organdar bekitýine berilgen.
Búginde osynyń ekinshi tásili, ıaǵnı Jyljymaıtyn múlik qorynyń qatysýymen azamattarǵa satyp alý quqyǵymen jaldaýǵa berý úshin 150 000 sharshy metr bolatyn turǵyn úıler salynýda. Páterlerdi ótkizý qaǵıdattary men erejelerin ýákiletti organ bekitkennen keıin bul jóninde BAQ-ta habar jarııalanatyn bolady.
Qazirgi ýaqytta páter alý kezegin qalyptastyrýdyń túrli joldary qarastyrylýda. Sonyń ishinde jergilikti atqarýshy organdardyń qatysýymen ótkizý joldary qarastyrylýda. Bul bizdiń júıe boıynsha salynǵan páterler dál qazirdiń ózinde bólinedi degen sóz emes. Salynyp jatqan páterler ázir bóline qoıǵan joq. Tek kimderge jáne qandaı joldarmen berý máselesi anyqtalý ústinde. Páterlerdi naqty bólý, olardy ótkizý erejesi túpkilikti bekitilgen soń ǵana júzege asyrylatyn bolady.
– Biraq, soǵan qaramastan Jyljymaıtyn múlik qory arqyly tapsyrylatyn úılerdi qandaı adamdardyń ala alatyndyǵyn qazirdiń ózinde shamalaýǵa bolady ǵoı?
– Iá, shamalaýǵa bolady. О́ıtkeni, bizdiń qolymyzda onyń negizi qaǵıdatyn belgilegen Úkimet qaýlysy bar. Ol boıynsha páterlerdi bólgen kezde ózi qyzmet etetin qalada baspanasy joq nemese turǵyn úı jaǵdaıyn jaqsartýǵa muqtaj jáne jalgerlik aqyny óteı alatyn azamattarǵa basymdyq beriledi. Osy qaǵıdaǵa sáıkes alatyn adamdardyń tizimin anyqtaý jóninde jumystar júrgizilýde. Biraq, bul – jalpy tártip. О́ıtkeni, bólýdiń naqty erejesi áli bekitilgen joq. Ol bekigennen keıin baryp qana naqty adamdarǵa bólýdi júzege asyrýǵa bolady.
Osyǵan oraı «Samuryq-Qazyna» Jyljymaıtyn múlik qory» AQ-tyń www.fnsk.kz saıtynda «Qoljetimdi turǵyn úı-2020» baǵdarlamasy sheńberinde baspana alýǵa ótinimder qabyldaıtyn baǵdarlamalyq jasaqtamanyń úlgi-nusqasy iske qosylǵan bolatyn. Páter alǵysy keletin azamattar bul jóninde bizdiń saıt arqyly habardar. Onda bul úlgi-nusqa áli de talqylanatyny jáne azamattarǵa qolaıly bolý jaǵy áli de pysyqtalatyny, ıaǵnı jetildirile túsetindigi jóninde eskertken edik. Endi, mine, jetildirilgen platforma boıynsha baspana ótkizý baǵdarlamasynyń jańa nusqasy ázirlengendigin aıta ketpekpin.
– Osyǵan baılanysty taǵy bir suraq. Sizderge úı nemese páter alý úshin tek saıt arqyly ǵana tirkelýge bolady eken. Bul – árıne, óte jaqsy jeńildik jáne ony uıymdasqan jemqorlyqtyń jolyn kesýdiń bir tásili deýge de bolady. Biraq keıbir azamattar ótinishimizdi saıt tirkeýge almady degen ókpemen redaksııamyzǵa habarlasty. Mundaı jaǵdaıdyń bolýy múmkin be?
– Bul jerde sál de bolsa bir túsiniksizdiktiń bar ekendigi seziledi. www.fnsk.kz saıtyna tirkelý baspana alýǵa ótinim berý bolyp sanalmaıdy. Bul ótinimderdi qabyldaý júıesine kirý úshin parol alý múmkindigi ǵana.
Osyǵan oraı dál qazirgi sátte páterlerdi tapsyrý isiniń áli bastalmaǵandyǵyn taǵy bir qaıtalap aıtamyn. Osy jáıtke basa nazar aýdarýdy suraımyn. Áıtpese, túsinbestik saldarynan ókpeshi men narazy adamdardyń da bolatyny ras.
Bizdiń ótinim qabyldaýdyń baǵdarlamalyq úlgisin aldyn ala saıtqa ilgendegi maqsatymyz – birinshiden, adamdardy aldyn ala tirkeý qajet boldy. Sebebi, birinshiden, tirkelý úshin azamattarǵa ESQ (elektrondy-sandyq qol) alý qajet. Ekinshiden, ótinim bererden buryn qandaı is-qımyldar jasaý kerektigin testilik júıede jattyǵyp túsiný úshin jaǵdaı týǵyzsaq dep edik. Osyǵan baılanysty redaksııalaryńyzǵa shaǵymdanýshy azamattarǵa aıtarym, bizdiń júıe boıynsha tapsyrylatyn baspanalar boıynsha áli naqty ótinim qabyldanyp jatqan joq. Sebebi, konkýrs áli jarııalanǵan joq. Tek konkýrs jarııalanǵan soń ǵana saıttaǵy barlyq fýnksııalar iske qosylady.
Osy rette eskerte ketetin taǵy bir jáıt bar. «Samuryq-Qazynanyń» Jyljymaıtyn múlik qory arqyly «Qoljetimdi turǵyn úı-2020» baǵdarlamasyn júzge asyrý isi ákimdikterdegi memlekettik turǵyn úı qorynan páter alǵysy keletinder kezegine túsetin salmaqty birshama jeńildetý maqsatynda qolǵa alynǵan bolatyn. Osyǵan baılanysty «Qoljetimdi turǵyn úı-2020» baǵdarlamasy boıynsha páter úlestirý tetigi jergilikti atqarýshy organdardyń qatysýymen qarastyrylýda. Demek, úmitkerlerdi irikteý aldymen ákimdikter arqyly, al qalǵan baspana, buryn josparlanǵandaı, ınternet, ıaǵnı bizdiń saıt arqyly ótkiziledi dep josparlanýda.
– Áńgimeńizge rahmet.
Áńgimelesken
Suńǵat ÁLIPBAI,
«Egemen Qazaqstan».
