Bul týraly Almaty qalalyq sotynyń baspasóz qyzmeti málim etti.
Baspasóz qyzmetiniń málimetinshe, buǵan deıin prokýratýra Dýjnovty ustaý merzimin 20 jeltoqsanǵa deıin uzartý týraly ótinish bildirgen.
«12 qarashada prokýratýranyń ótinishi tergeý sotynyń qaýlysymen qanaǵattandyryldy. Igor Dýjnovqa qatysty kúzetpen ustaý merzimin úsh aıǵa deıin, ıaǵnı 2021 jylǵy 20 jeltoqsanǵa deıin uzartýǵa sanksııa berildi», dep habarlady Almaty qalalyq soty.
Buǵan deıin Sybaılas jemqorlyqqa qarsy qyzmet Igor Dýjnovtyń beti kógergen degen aqparatqa qatysty sotaldy tergeýdi bastaǵanyn habarlaǵan. Bul aqparatty Almaty prokýratýrasy rastady.
Aıta keteıik, oqıǵa 20 qyrkúıekte keshke bolǵan, shamamen saǵat 17.20 shamasynda Aqbulaq móltekaýdanyndaǵy úı ıesiniń biri ańshy myltyǵynan oq atqan. Kýágerlerdiń aıtýynsha, atys bir mınýt ishinde bolǵan.
