Kishkentaı kezimizde ápkelerimizdiń aýylda kilem toqyǵanyn talaı márte kórgenbiz. Kóp qyzdar qatar otyryp alyp, aǵashqa kerýli kilemdi órnektep jatatyn. Qazir zaman da, sana da ózgergen. Búginde eshkim qoldan kilem toqymaıdy jáne bir kezderi qabyrǵaǵa iletin kilemdi búginde aıaqtyń astyna tóseıtin boldyq. Biraq, qandaı zaman ótse de, kilem eshqashan sánnen, turmystan qalǵan emes. Mine, Shymkenttegi «Bal Tekstıl» JShS-niń kilem toqýdy qolǵa alýyna osy másele túrtki bolsa kerek. Alaıda, bizdiń elde kilem toqıtyn mamandar joqtyń qasy. Árıne, bul ana úıdiń, myna úıdiń qyzdaryn shaqyryp, asarlatyp toqyp tastaıtyn aýyldyń baıaǵy kilemi emes. Qazirgiler jańa tehnologııany meńgerýi qajet. «Bul alǵash ashylyp otyrǵan kilem shyǵarý fabrıkasy bolǵandyqtan maman máselesi qıyn bolyp tur. Túrkııadan tehnologııanyń tilin biletin 16 maman shaqyrtylǵan, olar jergilikti jastardy úıretip jatyr», deıdi bul jóninde JShS dırektory Talǵat Ysqaqov.
Adamnyń tabandy, súıikti eńbegi arqasynda talaı keremetter jasalady ǵoı. Kilemdi ózimizde shyǵaramyz dep kim oılaǵan deısiz... Jaqynda ǵana Shymkent qalasynyń shetindegi «Ońtústik» arnaıy ekonomıkalyq aımaǵynan ashylǵan «Bal Tekstıl» JShS-niń kilem toqıtyn fabrıkasy otandyq ónim shyǵarý isine tyń serpin bergeni anyq. Bul joly kásiporynnyń alǵashqy bóligi iske qosyldy. Jalpy, quny 8,450 mlrd. teńgeni qurap, nátıjesinde 610 jumys ornynyń ashylýy josparlanǵan. Fabrıka jylyna 10 mln. tekshe metr kilem ónimderin shyǵarmaq. Zaýyt qurylysy 4 kezeńnen turady. Barlyǵy 26 jeli iske qosylý kerek bolsa, qazirgi tańda 6 jeli jumysyn bastady. Biraq ázirge shıkizat shetelden tasymaldanýda. Alla qalasa, bıyl zaýyttyń ekinshi kezeńi iske qosylǵanda shıkizat máselesi sheshiledi dep kútilýde. Naqtyraq aıtsaq, fabrıka janynan 150 adamǵa arnalǵan jip ıirý sehy ashylady. Osynyń arqasynda 10 jeli iske qosylyp, qosymsha 180 adam jumysqa tartylmaq. Kásiporyn Belgııanyń sońǵy zamanaýı tehnologııasymen jabdyqtalǵan. Taǵy bir aıtary, bıyl kilem óndirisi boıynsha taǵy «Esenjol Nazar» JShS-niń jobasyn iske qosý josparlanýda. Jobanyń quny – 900 mln. teńgeni qurap, fabrıkada 60 jańa jumys orny ashylady. «Bal Tekstıl» jáne «Esenjol Nazar» JShS fabrıkalary tolyq qýatpen jumys istegen kezde respýblıka naryǵynyń 60-70 paıyzyn qamtıtyn bolady jáne eksportqa 3-4 mln. sharshy metr kilem ónimderin shyǵarýǵa múmkindikteri bar.
Árıne, fabrıkanyń tusaýy kesildi, kózdiń jaýyn alatyn kilemderin kóp etip shyǵaryp jatyr. Biraq, kópshiliktiń kókeıinde: «Bul kásiporynnyń jumysy qanshalyqty baıandy, básekelestikke tótep bere ala ma, erteń-aq shyǵynǵa batyp qalmaı ma?» degen suraqtyń turǵany anyq. Iаǵnı, bul taı shabys jobalardyń biri emes pe? Ońtústik Qazaqstan oblysy ákiminiń orynbasary Saparbek Tuıaqbaevtyń aıtýyna qaraǵanda, sóz etip otyrǵan jumys ábden saraptalyp, suryptalǵan joba. Kásiporynnyń taýarlaryna suranys bolatynyna eshqandaı kúmán joq. О́ıtkeni, bul kásiporyndar 20 jyl boıy Qazaqstan naryǵyna Túrkııadan ımport tasyǵan. Bylaısha aıtqanda osy saladaǵy saýdanyń barlyq ystyq-sýyǵyn kórip, osy isten úlken paıda bar ekenine ábden kózderi jetken.
Kilem men kilemshelerdiń 100-ge jýyq túrin shyǵaratyn kásiporyn tolyq qýatyna 2016 jyly qosylatyn bolady. Jalpy alǵanda, qazir Ońtústik Qazaqstan oblysynda 170 joba ındýstrııalandyrý kartasyna engen. Bul 20 myńnan astam jumys orny degen sóz. Búgingi kúni sonyń 103-i iske qosylyp, 8873 jańa jumys orny ashyldy. Respýblıka boıynsha qolǵa alynǵan 111 jobanyń 60-sy, iske qosylǵan 135 jobanyń 46-sy osy Ońtústiktiń enshisinde. Osylaısha, ońtústikqazaqstandyq kásipkerler kilemnen de kiris kirgizip, tabys tabýǵa bel sheship otyr.
Oralhan DÁÝIT,
«Egemen Qazaqstan».
Ońtústik Qazaqstan oblysy.
Sýretterdi túsirgen Arman ÁBDIRAShULY.
Adamnyń tabandy, súıikti eńbegi arqasynda talaı keremetter jasalady ǵoı. Kilemdi ózimizde shyǵaramyz dep kim oılaǵan deısiz... Jaqynda ǵana Shymkent qalasynyń shetindegi «Ońtústik» arnaıy ekonomıkalyq aımaǵynan ashylǵan «Bal Tekstıl» JShS-niń kilem toqıtyn fabrıkasy otandyq ónim shyǵarý isine tyń serpin bergeni anyq. Bul joly kásiporynnyń alǵashqy bóligi iske qosyldy. Jalpy, quny 8,450 mlrd. teńgeni qurap, nátıjesinde 610 jumys ornynyń ashylýy josparlanǵan. Fabrıka jylyna 10 mln. tekshe metr kilem ónimderin shyǵarmaq. Zaýyt qurylysy 4 kezeńnen turady. Barlyǵy 26 jeli iske qosylý kerek bolsa, qazirgi tańda 6 jeli jumysyn bastady. Biraq ázirge shıkizat shetelden tasymaldanýda. Alla qalasa, bıyl zaýyttyń ekinshi kezeńi iske qosylǵanda shıkizat máselesi sheshiledi dep kútilýde. Naqtyraq aıtsaq, fabrıka janynan 150 adamǵa arnalǵan jip ıirý sehy ashylady. Osynyń arqasynda 10 jeli iske qosylyp, qosymsha 180 adam jumysqa tartylmaq. Kásiporyn Belgııanyń sońǵy zamanaýı tehnologııasymen jabdyqtalǵan. Taǵy bir aıtary, bıyl kilem óndirisi boıynsha taǵy «Esenjol Nazar» JShS-niń jobasyn iske qosý josparlanýda. Jobanyń quny – 900 mln. teńgeni qurap, fabrıkada 60 jańa jumys orny ashylady. «Bal Tekstıl» jáne «Esenjol Nazar» JShS fabrıkalary tolyq qýatpen jumys istegen kezde respýblıka naryǵynyń 60-70 paıyzyn qamtıtyn bolady jáne eksportqa 3-4 mln. sharshy metr kilem ónimderin shyǵarýǵa múmkindikteri bar.
Árıne, fabrıkanyń tusaýy kesildi, kózdiń jaýyn alatyn kilemderin kóp etip shyǵaryp jatyr. Biraq, kópshiliktiń kókeıinde: «Bul kásiporynnyń jumysy qanshalyqty baıandy, básekelestikke tótep bere ala ma, erteń-aq shyǵynǵa batyp qalmaı ma?» degen suraqtyń turǵany anyq. Iаǵnı, bul taı shabys jobalardyń biri emes pe? Ońtústik Qazaqstan oblysy ákiminiń orynbasary Saparbek Tuıaqbaevtyń aıtýyna qaraǵanda, sóz etip otyrǵan jumys ábden saraptalyp, suryptalǵan joba. Kásiporynnyń taýarlaryna suranys bolatynyna eshqandaı kúmán joq. О́ıtkeni, bul kásiporyndar 20 jyl boıy Qazaqstan naryǵyna Túrkııadan ımport tasyǵan. Bylaısha aıtqanda osy saladaǵy saýdanyń barlyq ystyq-sýyǵyn kórip, osy isten úlken paıda bar ekenine ábden kózderi jetken.
Kilem men kilemshelerdiń 100-ge jýyq túrin shyǵaratyn kásiporyn tolyq qýatyna 2016 jyly qosylatyn bolady. Jalpy alǵanda, qazir Ońtústik Qazaqstan oblysynda 170 joba ındýstrııalandyrý kartasyna engen. Bul 20 myńnan astam jumys orny degen sóz. Búgingi kúni sonyń 103-i iske qosylyp, 8873 jańa jumys orny ashyldy. Respýblıka boıynsha qolǵa alynǵan 111 jobanyń 60-sy, iske qosylǵan 135 jobanyń 46-sy osy Ońtústiktiń enshisinde. Osylaısha, ońtústikqazaqstandyq kásipkerler kilemnen de kiris kirgizip, tabys tabýǵa bel sheship otyr.
Oralhan DÁÝIT,
«Egemen Qazaqstan».
Ońtústik Qazaqstan oblysy.
Sýretterdi túsirgen Arman ÁBDIRAShULY.
