«Nur Otan» partııasy ózin halyqtyń qamyn oılaıtyn elimizdegi irgeli saıası kúsh retinde tanytyp keledi. Mine, 15 jyl boldy, halyq partııadan árkez ilgerileýimizdiń irgetasyn bekitetin tyń ıdeıalar, baǵaly bastamalar, syndarly saıası baǵdarlamalar kútedi. Eldiń erteńine qyzmet etýdi maqsat tutqan «Nur Otannyń» bul baǵyttaǵy atqarǵan jumystary da aýqymdy.
Al «Nur Otan» partııasynyń ústimizdegi jyldyń basynda ótken HV sezi el ómirindegi ómirsheńdiktiń ózekti máselelerin kún tártibine shyǵarǵandyǵymen de aıryqsha este qaldy. Bul táýelsiz memleketimiz úshin tarıhı mańyzy zor oqıǵa boldy. Eldiktiń máseleleri aıqyndalǵan «Nur Otan» sezine delegat bolyp qatysqanym da men úshin úlken mártebe, árıne. Nurly bolashaqqa baǵyttalǵan qadamdardyń bastaý bulaǵy osy sezde burynǵydan góri de ashyla túsýi partııanyń saıası baǵyttarynyń Elbasy N.Nazarbaevtyń sarabdal saıasatymen bir arnada toǵysatynyn taǵy bir dáleldedi.
Sezd týraly aıtar bolsam, munda tereń talqylaýdan ótip, shyn máninde halyqtyq qujat retinde baǵalanǵan partııanyń Saıası doktrınasynyń qabyldanýyn birden-bir mańyzdy oqıǵa degenimiz jón. Bul óte mańyzdy qujat jáne ýaqytynda qabyldanyp otyr. Onda elimiz úshin óte ózekti máseleler qamtylǵany da onyń salmaǵyn arttyra túsedi. Qazir bizdiń árqaısymyzdy partııanyń, sondaı-aq, árbir nurotandyqtyń «Qazaqstan -2050» Strategııasyn júzege asyrýdaǵy róli qandaı bolýy kerek degen oıdyń mazalaıtyny shyndyq. Mine, Saıası doktrınada osyndaı ózekti máselelerge naqty jaýap berilgen, munda elimizdiń erteńgi jarqyn bolashaǵyn aıqyndaıtyn strategııany júzege asyrýdyń naqty joldary anyqtalǵan.
Sezde táýelsiz memleketimizdiń tuǵyryn burynǵydan góri bekite túsý jolyndaǵy kezdesetin problemalar da keńinen sóz boldy. Bolashaqta atqarylatyn jumystardyń baıandylyǵyn qamtamasyz etetin baǵdarlamalyq baǵyttarǵa basa nazar aýdarylýy kóńilden shyqty. Eń bastysy, partııalyq saıası jumystyń eldegi ekonomıkalyq ilgerileýge serpin berýge, turaqtylyq pen birlikti nyǵaıtýǵa, halyqtyń ál-aýqatyn kóterýge baǵyttalǵany sezge qatysýshylardyń ǵana emes, osy irgeli saıası jıynǵa qulaq túrip otyrǵan qarapaıym halyqtyń da bolashaqqa degen senimin arttyra tústi.
Shyny kerek, Qazaqstan Respýblıkasynyń Prezıdenti, «Nur Otan» partııasynyń Tóraǵasy Nursultan Nazarbaevtyń el damýynyń jáne partııalyq jumystyń negizgi baǵdarlamalyq basym baǵyttaryna negizdelgen áserli sózi utqyr oılylyǵymen, bastamashylyq baǵalylyǵymen baýrap qana qoımaı, aldaǵy jumystardyń aýqymdylyǵyn da ańǵartty. Elbasy álemdegi damyǵan otyz eldiń qataryna enýdiń ózindik joba-josparyn kóz aldymyzda naqpa-naq elestetti. Túıip aıtqanda, Elbasy sezdiń Qazaqstannyń jańa tarıhı sheshýshi kezeńinde ótip otyrǵanyn aıryqsha atap kórsetti. Onyń negizgi mindeti «Qazaqstan-2050» Strategııasynda belgilengen maqsattarǵa qol jetkizýdegi «Nur Otan» partııasynyń róli men saıası mańyzyn anyqtaý bolyp tabylady. Elbasy HHI ǵasyrdaǵy partııanyń kóshbasshylyǵyn anyqtaıtyn jeti basym baǵytqa qatysty óziniń ómirsheń oı-tujyrymdaryn alǵa tartty. Biz depýtattyq fraksııa, jalpy oblystyq máslıhat jumysyn osy baǵyttardy basshylyqqa ala otyryp júrgizýimiz kerek ekenin túsinemiz, solaı isteledi de.
Memleket basshysy Nursultan Nazarbaev sezde Qazaqstannyń damyǵan 30 eldiń qataryna ený jolyndaǵy strategııalyq mindetterin de baıandady. Bul maqsatqa jetý – kóbine-kóp adam faktoryna, adamdardyń kóńil kúıine, olardyń sheshimdiligine baılanysty ekeni de anyq. Táýelsizdik jyldaryndaǵy barlyq jetistikter Elbasynyń basshylyǵymen atqarylǵan orasan zor jáne kúrdeli jaǵdaıdaǵy janqııarlyq eńbektiń nátıjesi ekenin halyq jaqsy biledi. Prezıdent Qazaqstannyń álemdik qoǵamdastyqtaǵy orny týraly aıta kelip, strategııanyń negizgi ózegi Otanymyzdy álemdegi damyǵan 30 eldiń qataryna qosý qajettigin paıymdaıtyn jalpy halyqtyń oı-armany ekenimen oraılas órbitti. Táýelsizdikti jarııa etip, Qazaqstanymyzdy damyta otyryp, biz damýdyń shalǵaı shetinen birjola shyǵyp kettik, Eýrazııanyń laıyqty memleketi boldyq», – dep atap ótti óz sózinde Nursultan Nazarbaev.
Sondyqtan bizdiń Elbasyny qoldaýymyz – el táýelsizdiginiń nyǵaıýyn, básekege qabiletti jáne ósip-órkendegen Qazaqstandy qoldaý degen sóz.
– Partııaǵa bizdiń kóp etnosty halqymyzdyń birligi úshin joǵary jaýapkershilik júkteledi. Osy oraıda, túrli deńgeıdegi partııa uıymdary men Qazaqstan halqy Assambleıasynyń, «Nur Otan» parlamenttik fraksııasynyń jáne Assambleıadan saılanǵan Májilis depýtattarynyń birlesken is-qımylynyń tutas bir júıesi qajet. Bizdiń uranymyz – «Bir el – bir halyq – bir taǵdyr». Bul – biz naqty ómirde dáıektilikpen júzege asyryp kele jatqan asa mańyzdy qaǵıdat, – dedi sezde Prezıdent. Memleket basshysy bizdiń basty qundylyǵymyz Qazaqstanda turatyn 130-dan astam ulttar men ulystar ókilderiniń birligi men kelisimi bolyp tabylatynyn taǵy bir eske saldy. Adamdardyń bir-birine degen qurmeti, rýhanı qundylyqtardy saqtaý, qoǵamdy biriktirý, mine, osylar ǵana bizdiń órkenıetti memleket retinde damýymyzdyń basty sharty bolyp tabylady.
Bizdiń paıymdaýymyzsha, Qazaqstannyń órkendeýi men kórkeıý jolyn jalǵastyrý úshin azamattar qulyqty jáne jaýapty, otan súıgish bolýy qajet jáne óziniń baqýatty turmys jaǵdaıyn ǵana emes, eliniń bolashaǵyn oılaýy tıis. Saıası doktrına partııalyqtarmen qatar, barlyq azamattardy biriktirý jáne yntymaqtastyrý maqsatyn kózdeıdi.
Qarapaıym adamdardyń problemalaryn sheshý, elimizdegi bolyp jatqannyń barlyǵyna jaýaptylyqtaryn óz moınyna alý, mine, partııanyń «Nur Otan». Nurly bolashaq jolynda» jańa Saıası doktrınasy aıasyndaǵy partııanyń róli osyndaı. Al Doktrınadaǵy mańyzdy másele – memlekettik tildiń halyqty biriktirýdiń negizgi faktory ekendigi. Prezıdent óziniń sózinde bul máselege aıryqsha mán beretin kez kelgenin qadap aıtty. Qazaq tilin bilý tek azamattyq mindet qana emes, memleket quraýshy qazaq ultyna degen qurmet te ekenin jetkizdi.
Elbasy óziniń sózinde partııanyń jańa Saıası doktrınasy alǵa qoıǵan mindetterdi sheshýdegi depýtattardyń róline de toqtaldy. «Partııa halyq múddesiniń bastaýshysy bolýy úshin depýtattar korpýsy tarapynan atqarýshy bıliktiń jumysyn tıimdi baqylaý qajet etiledi. Búginde júıeli jańarý talaby qoıylyp otyr», dep atap ótti partııa Tóraǵasy. Qazirgi tańda depýtattar aldyna azamattardyń múddesin tıimdi bildirý, buqara men bıliktiń arasynda áreketti deldal bolý mindeti qoıylyp otyr dep esepteımin. Bılikke adamdardyń sheshimin kútken ózekti máselelerin, olardyń qalaı turyp jatqanyn jetkizý kerek. О́zekti máselelerdiń sheshimin tabýyna muryndyq bolý qajet. Qoǵamdyq qabyldaýlar men partııalyq baqylaý beketteriniń, Sybaılas jemqorlyqqa qarsy kúres jónindegi qoǵamdyq keńes, depýtattyq fraksııa jumystarynyń tıimdiligin arttyrý da kún tártibindegi másele.
Prezıdent elimizdegi jastar máselesine de nazar aýdardy. Ol, ásirese, HHI ǵasyrda tek jastar qoldaýyna ıe partııanyń kóshbastaýshy bolatynyn aıryqsha atap ótti.
«Jastar – bizdiń altyn qorymyz», dedi Nursultan Ábishuly óz sózinde.
Nursultan Ábishuly jas qazaqstandyqtardyń partııa ustanǵan baǵyttardy keńinen qoldaýynyń, olardyń «Qazaqstan-2050» Strategııasyn júzege asyrýǵa keńinen qatysýynyń úlken tarıhı jáne turaqtandyrýshylyq mańyzy bar ekenine basa nazar aýdardy. Sezde partııanyń logotıpi máselesi de qaraldy. Onda raýandap jańadan atyp kele jatqan kún, taý kórinisi jáne qar barysy beınelengen. Shyǵyp kele jatqan kún elimizdiń jarqyn jeńisteri men bolashaq jetistikterin bildiredi. Taýdyń qarly shyńy bizdiń halqymyzdyń bıik maqsattar men bolashaqqa umtylysyn kórsetedi. Qar barysy bolsa, táýelsizdigimizdi, kúshimiz ben adamgershiligimizdi aıǵaqtaıdy. Sondaı-aq, logotıptegi «Nur Otan» degen jazý partııanyń el damýyna qosar úlesin ańǵartady. Sezdiń «Bolashaqty birge quraıyq» tezısi bizdiń barlyǵymyzdyń elimizdegi ómirsheń úderisterge qatysýshylar bolyp tabylatynymyzǵa taǵy bir dálel bolady.
Oıymyzdy tujyrymdaı kele aıtarymyz, HV sezd partııanyń damýyndaǵy jańa da jarqyn better bolǵany kúmánsiz. Ol budan bylaı tek partııanyń ǵana emes, jalpy qoǵamdy Elbasy, «Nur Otan» partııasynyń Tóraǵasy Nursultan Nazarbaevtyń sarabdal da salıqaly saıasaty tóńiregine toptastyrýǵa yqpal etpek. Bul ekonomıkany nyǵaıtý jáne damytý, adal áleýmettik saıasat júrgizý, memlekettik basqarýdyń tıimdiligin qamtamasyz etý jáne álemge ashyq Qazaqstannyń táýelsizdik tuǵyryn nyǵaıtý bolyp tabylady. Jalpy, partııanyń kezekten tys HV sezi, bizdiń oıymyzsha, saıası jáne ıdeologııalyq eń joǵary deńgeıde ótti. Al partııanyń Saıası doktrınasy «Qazaqstan-2050» Strategııasyn júzege asyrýdaǵy partııanyń rólin anyqtaǵan, onyń baǵyttaryn aıqyndaǵan jáne ýaqtyly qabyldanǵan saıası qujat boldy.
Biz sezde kóterilgen máseleler men aıtylǵan oı-pikirlerden osyny uqtyq. «Qazaqstan-2050» Strategııasyn júzege asyrýǵa partııa qosatyn úlestiń aýqymdy ekenin túsindik. Munyń árbir nurotandyqty osy tarıhı kezeńdegi ıgilikti isterge atsalysýǵa jumyldyratynyn da aıqyn ańǵardyq. Al elimizdegi ilgerileýge baǵyttalǵan isterdiń alǵy shebinde bolý – bizdiń árqaısymyzdyń azamattyq boryshymyz jáne perzenttik paryzymyz.
Sánııa QALDYǴULOVA,
Aqtóbe oblystyq
máslıhatynyń hatshysy.
