Saıabaqqa qansha qarjy kómilgen?

Qazir bir jaqsy is bitip,  jurt qýansa,  sonyń artynan  shı shyǵatyny jıi kezdesip júr. Alaıda,  oǵan jurttyń, qarapaıym jandardyń  qatysy bolmaıdy. Shı sol istiń aınalasynda júrgenderden  shy­­ǵady. О́tken jyly jazda  Qos­tanaı qalasyn aınalyp  aǵyp jatqan  Tobyl ózeniniń bir ıini­nen  qostanaılyqtar men qala qonaqtary  demalatyn  saıabaq  salynǵan edi. Onyń ashylý saltanaty otshashýmen atalyp ótken bolatyn. Biraq Tobyldyń  sol jaǵalaýynda adamdardyń  kózin qaryqtyryp tek ot shashý emes, aqsha shashý da bolǵan eken.  Oblystyq qarjy polısııa­sy  qyzmetkerleri «Qostanaı qala­lyq mádenıet jáne demalys saıabaǵy» memlekettik kom­mýnaldyq kásip­ornynyń dırektory Andreı Tolpınskııdi tutqyndady. Oǵan óziniń laýa­zymdyq  qyzmetin  asyra paıdalandy, qyzmet babyn paıdalanyp, jalǵan qujat jasady degen aıyp taǵylyp otyr. Sol saıabaqtyń shala-sharpy aıaqtalǵan  jumysyna A.Tol­pınskıı 21 mıllıon qar­jy jum­saldy dep  jalǵan akt kórsetken. Osyn­sha  qarjy  ol basqaratyn  memlekettik kommýnaldyq kásip­orynnyń esepshotyna  aýdarylyp ta ketken. Al teksere kelgende, saıabaqtaǵy atqarylǵan ju­mystyń  kólemi 721 myń teń­geden aspaǵan. Memleket 20 mıllıon teńge zııan  shekken. Qazir is odan  ári tekserilý ústinde. Aıt­paqshy, bıyl dál sondaı saıabaq Tobyldyń oń  qaptalynan túspek. Onda qansha  mıllıon sýǵa bataryn kim bilsin? Názıra JÁRIMBETOVA, «Egemen Qazaqstan». QOSTANAI.