Álem chempıondary men júldegerleri marapattaldy

Osydan eki apta buryn Belgrad tórinde márege jetken bokstan álem chempıonatynda Qazaq eliniń bylǵary qolǵap sheberleri 2 altyn, 2 kúmis jáne 1 qola medal oljalap, jalpykomandalyq esepte Kýba jigitterin alǵa jiberip, ekinshi orynǵa turaqtaǵan edi. Ja­handyq dodada Temirtas Júsi­pov (48 kg) pen Sáken Bıbosynov (51 kg) álem chempıony atansa, Mah­mud Sabyrhan (54 kg) men Serik Temirjanov (57 kg) kúmis júl­dege, ult­tyq qurama kapıtany Aby­laı­han Júsipov (67 kg) qola júldege ıe boldy.

Boksshylardyń qarjylaı syıaqylaryn Qazaqstan boks fe­derasııasynyń basshysy Ke­ńes Raqyshevtyń ózi tabystady. Álem chempıony atanǵan boksshynyń ár­qaısysyna 70 myń dollar, kúmis júlde­gerlerge 50 myń dollar, qola júl­degerge 25 myń dollar kóle­minde syıaqy berildi.

– Boks – qazaqtyń ulttyq spor­tynyń birine aınalyp ketti desek, artyq aıtqandyq bolmaı­tyn shyǵar. О́ıtkeni bul sport túrinen bizde dástúrli urpaq­tar sabaqtastyǵy bar. Bel­grad­taǵy álem chempıonatyna kelsek, jańartylǵan quram sát­ti óner kórsetti. Biz alǵa qoı­ǵan min­detimizdi oryndap, jan­kúıer­­lerdiń úmitin aqtadyq dep esep­teımin. Sportshylarymyzdy Bel­gradtaǵy jetistikterimen qut­tyqtaımyn! – dedi QBF prezıdenti Keńes Raqyshev.

Sondaı-aq bokstan ulttyq qu­ramanyń jattyqtyrýshylar qu­ramy, olardyń jeke jattyq­tyrý­shylary, keshendi ǵylymı top ma­mandary jáne álem chempıonatyn­da óner kórsetip, biraq júldege ilinbeı qalǵan boksshylar da federasııa basshylyǵynyń nazarynan tys qalǵan joq.

Atap aıtar bolsaq, boks­tan erler quramasynyń bas bap­­­keri Qaırat Sátjanovqa, álem chem­pıondarynyń jeke bap­kerleri Qýanyshbaı Kóki­shev (T.Júsipovtiń bapkeri) pen Myrzaǵalı Aıtjanovqa (S.Bı­bosynovtyń bapkeri) 10 myń dol­lar, kúmis júldegerlerdiń je­ke jattyqtyrýshylary Ilııas Oral­bekov (M.Sabyrhannyń bap­keri) pen Azamat Maqajanovqa (S.Temirjanovtyń bapkeri) – 8,5 myń dollar, qola júldegerdiń je­ke jat­tyqtyrýshysy Baýyrjan Aman­­baevqa (A.Júsipovtiń bap­keri) 5 myń dollardan berildi.

Álem chempıonatyna qatysqan Samatáli Tóltaev (60 kg), Sanatáli Tóltaev (63,5 kg), Aslanbek Shym­bergenov (71 kg), Nurqanat Raıys (75 kg), Nurbek Oralbaı (80 kg), Bek Nurmaǵanbet (86 kg), Aıbek Oralbaı (92 kg) jáne Nurlan Sapar­baılarǵa (+92 kg) 800 myń teńge jáne olardyń da jeke jat­tyqtyrýshylaryna 400 myń teńgeden syıaqy berildi.

Sonymen qatar ulttyq qurama­nyń aǵa jattyqtyrýshysy Núrken Andasov – 7 myń dollar, komanda jetekshisi Asqar Sháripov, dáriger Talǵat Kýkanov jáne mas­saj jasaýshy Álibek Ábilov 2 myń dollar kólemindegi aqshalaı syıaqyǵa ıe boldy.

Taǵy bir aıta keterligi, álem chempıonatynyń altyn medaline ıe bolǵan sportshyny memleket 15 myń dollarmen, kúmis júl­degerdi 7 myń dollarmen, al qola júldegerdi 5 myń dollarmen marapattady. Syı­aqylardy Olımpıadalyq komıtettiń bas hatshysy Andreı Krıýkov Almatydaǵy jıynda saltanatty túrde tabys etti.

– Ulttyq Olımpıadalyq komı­tettiń atynan Keńes Raqyshev bas­taǵan Qazaqstan boks federasııasyn, bapkerler quramyn jáne sportshylardy álem birinshiliginiń medaldarymen quttyqtaımyn. Bul nátıje Olımpııa oıyndarynan keıin federasııa qaıta qurylyp, kadrlyq ózgerister engizilip, ja­ńa jat­tyqtyrýshylar shtabymen birge qateliktermen jumys is­tep, qorytyndy shyǵarǵanyn kór­setedi. Bul jeńister árbir otan­dyq jankúıer úshin mańyzdy boldy, búkil el boksshylardyń jetis­tikterine qýandy. Biraq árbir jeńis pen sporttyq jetistiktiń ar­tynda úlken komandanyń – jat­tyqtyrýshylardyń, sport dári­gerleriniń, federasııanyń orasan zor eńbegi turǵanyn atap ótkim ke­ledi. Biz búgin marapattalatyn komandanyń ár múshesiniń, so­nyń ishinde jeke bapkerlerdiń, dári­gerlerdiń, massajshylardyń jáne basqa mamandardyń úlesin baǵa­laımyz, – dedi Andreı Krıýkov.

– Barlyq boksshylardyń atynan Memleket basshysyna sportshylarǵa qoldaý kórsetip, elimizde sportty damytýǵa kóńil bólip otyrǵany úshin, sondaı-aq jattyǵý jumystary men ja­rystarǵa qatysýymyzǵa barlyq jaǵdaıdy jasap, el namysyn abyroımen qorǵaýǵa jigerlendirip otyrǵan bizdiń boks federasııamyz ben Ulttyq Olımpıadalyq komıtetke alǵys bildirgim ke­ledi. Bizdiń qaısymyzdy alyp qarasańyz da, álem chempıonatyna tek jeńis úshin attandyq. Bárimiz birdeı úmit­ti aqtaı almasaq ta, el namy­syn abyroımen qorǵadyq dep oı­laımyn. Qazirgi tańda sport­shylardyń bárine jaqsy nátıjege qol jetkizý úshin barlyq jaǵdaı jasalǵanyn bilemiz jáne budan keıin jattyǵýymyzdy kú­sheıtip, budan da bıik belesti baǵyndyryp, qazaqstandyqtardy qýantýǵa barymyzdy salamyz. Barshańyzdy Táýelsizdigimizdiń 30 jyldyǵymen qut­tyqtaımyn! – dedi bokstan qu­ra­ma kapıtany Abylaıhan Jú­sipov.

Aıta keteıik, kelesi jyly boks­­shylardy birqatar iri jarys kútip tur. Olardyń ishindegi eń ma­ńyzdysy – qyrkúıekte Qy­taı­dyń Hanjoý qalasynda ótetin Jazǵy Azııa oıyndary.