Naýqan eki kezeńnen turady. Osyǵan deıin vaksınanyń eki dozasyn da saldyrǵandar jańa jylǵa deıin úshinshisin qabyldaıdy.
Bul medısına qyzmetkerleri, muǵalimder, medısınalyq-áleýmettik mekemeler men jabyq balalar mekemeleriniń mamandary, sondaı-aq kúsh qurylymdarynyń qyzmetkerleri.
Osyǵan oraı QR Bas sanıtar dárigeriniń mindetin atqarýshy Aıjan Esmaǵambetovanyń COVID-19 koronavırýs ınfeksııasyna qarsy revaksınasııa júrgizý týraly qaýlysy jarııalandy.
Qujatta KVI-ge qarsy revaksınasııaǵa jatatyn halyqtyń táýekel toptary kórsetilgen.
Olar: 1) medısına qyzmetkerleri; 2) pedagogter; 3) kúsh qurylymdarynyń qyzmetkerleri; 4) medısınalyq-áleýmettik mekemelerdiń personaly men kontıngenti; 5) 60 jastan asqan adamdar; 6) Buǵan deıin KVI-ge qarsy vaksına alsa da, ımmýnıteti álsiregen adamdar (ımmýnosýpressıvti terapııadaǵy adamdar (leıkemııany, lımfomany jáne mıelomany qosa alǵanda, qatty isikti nemese gematologııalyq qaterli isikti belsendi ımmýnosýpressıvti emdeý nemese osyndaı emdeý toqtatylǵannan keıin 12 aı ishinde), gemodıalızdegi adamdar, transplantat resıpıentteri, AITV juqtyrǵan aýyr bastapqy ımmýn tapshylyǵy); 7) óz betinshe tekserilý nátıjesinde aǵzasynda KVI-ge qarsy antıdene joq ekeni anyqtalǵan adamdar.
