Dárigerler omyrtqasy qısaıǵan 10 jasar qyz balaǵa jeti saǵatqa jýyq ota jasady. Operasııa kezinde hırýrgtar naýqastyń omyrtqasyn hırýrgııalyq jolmen túzetip berdi. Naqtyraq aıtqanda, qısaıǵan súıegin túzetip, denesin tik ustaý úshin arnaıy temir qurylǵyny arqa tusyna ornatyp bergen. On jyldyq tájirıbesi bar elordalyq mamandar mundaı otanyń kúrdeliligin atap ótti.
«Ońtústik óńirinde halyq sany kóp bolǵandyqtan, skolızge shaldyqqan naýqas balalar sany da bul aımaqta kóp ekenin aıtýǵa bolady. Sondyqtan mundaı joǵary mamandandyrylǵan otany aımaqtarǵa kelip, jergilikti mamandarmen tájirıbe bóliskenimiz durys. Bul joly biz qalalyq klınıkalyq balalar aýrýhanasyna kelip, osyndaı kúrdeli ota jasadyq. Operasııa sátti ótti. Ota jasaý barysynda bul aýrýhananyń joǵary mamandandyrylǵan hırýrgııalyq em jasaýǵa múmkindigi bar ekenin baıqadyq. Bul úshin jergilikti mamandardyń biliktiligi jetedi», deıdi Nur-Sultan qalasyndaǵy «Ana men bala» ulttyq ǵylymı ortalyǵy ortopedııa bóliminiń jetekshisi Bolat Naǵymanov.
Dárigerdiń aıtýynsha, otadan keıin naýqastyń jaǵdaıy burynǵydan jaqsara túsedi. Iаǵnı, omyrtqanyń qısaıýynan paıda bolǵan búkirligi joıylady jáne boıynyń uzyndyǵy qalpyna túsedi.
Aıta ketsek, mundaı ota Nur-Sultan qalasynda 2010 jyldan beri jasalyp keledi. Jylyna ortasha eseppen skolıoz aýrýyna shaldyqan 150-ge jýyq balaǵa kúrdeli operasııa jasalady.
Nur-Sultandyq dárigerlerdiń qatysýymen ótken otaǵa jergilikti dárigerler qatysyp, áriptesterimen tájirıbe almasty. Jospar boıynsha qalalyq klınıkalyq aýrýhana mamandary taǵy da kúrdeli travmatologııalyq ota jasaý barysyn jetik meńgerip, jergilikti deńgeıde damytýdy qolǵa almaq.
