EO delegasııasyn Eýrokomısııanyń Vıse-prezıdenti jáne Syrtqy ister jáne qaýipsizdik saıasaty jónindegi Joǵarǵy ókili Jozep Borrell jáne Halyqaralyq áriptestikter boıynsha Eýropalyq komıssar Iýtta Ýrpılaınen basqardy.
Kezdesý kezinde taraptar óńiraralyq jáne jahandyq yntymaqtastyq máselelerin, sonyń ishinde pandemııanyń keleńsiz saldaryn eńserýdi, ózara saýda men ınvestısııanyń qarqyndaryn qalpyna keltirýdi, óńirdegi EO baǵdarlamalyq qyzmetiniń basymdyqtaryn, sondaı-aq Aýǵanstandaǵy jaǵdaıdy talqylady.
Kazaqstandyq delegasııa basshysy sóılegen sózinde ǵylym, tehnologııalar men ınnovasııalar salasynyń negizgi róline toqtalyp, eýropalyq tarapqa jańa óńirlik baǵdarlamalaryn atalǵan salalarda qurastyrýdy usyndy. Qazaqstannyń bastamasyn barlyq Ortalyq Azııa memleketteriniń ókilderi biraýyzdan qoldady.
Qatysýshylar densaýlyq saqtaý, ekonomıka, adam quqyqtaryn qorǵaý men zań ústemdigi salalarynda ózara yqpaldastyqty keńeıtýge, terrorızm, ekstremızm jáne zańsyz esirtki aınalymyna qatysty óńirlik qaýip-qaterlerdi birge eńserýge, shekaralardy basqarý men quqyq qorǵaý organdary arasyndaǵy vedomstvoaralyq yntymaqtastyqty nyǵaıtýǵa, sondaı-aq aýǵan problemasynyń sheshý joldaryn birlese pysyqtaýǵa ózara múddeliligin rastady.
Buǵan qosa, óńirdiń ornyqty damý, sonyń ishinde transshekaralyq sý resýrstaryn rasıonaldy paıdalaný, ekologııa jáne klımat ózgerýiniń problemalaryn sheshý salasyndaǵy yntymaqtastyq máseleleri qozǵaldy. Kezdesýdiń nátıjesinde Birlesken kommıýnıke qabyldandy.
Mınıstr M.Tileýberdi EO Syrtqy ister jáne qaýipsizdik saıasaty jónindegi Joǵarǵy ókili J.Borrellmen jeke kelissózder ótkizdi. Taraptar Qazaqstan men Eýropalyq Odaq arasyndaǵy yntymaqtastyqty odan ári damytý máselelerin egjeı-tegjeıli qarastyryp, sondaı-aq QR Prezıdenti Qasym-Jomart Toqaevtyń Brıýsselge aldaǵy resmı saparyna daıyndyq barysyn talqylady.
