QR Tuńǵysh Prezıdenti – Elbasy forým qatysýshylaryna beıneúndeý jasady. «Barshańyzdy Táýelsizdiktiń otyzjyldyq mereıtoıymen shyn júrekten quttyqtaımyn. Bul Táńirdiń bizdiń urpaqqa bergen baǵa jetpes úlken syıy. Otyz jyl - halqymyz úshin tarıhı beles. Biz osy ýaqyt ishinde ata-babamyz armanyn oryndap qana qoımaı, ony baıandy ete bildik. Qazaqstandy álem tanyǵan, jahan moıyndaǵan, irgeli memleketke aınaldyrdyq», dedi Nursultan Ábishuly Nazarbaev.
Forýmnyń is-sharalaryna QR Parlamenti Senatynyń tóraǵasy Máýlen Áshimbaev, Aqparat jáne qoǵamdyq damý mınıstri Aıda Balaeva, Parlament depýtattary, sondaı-aq elimizdiń barlyq óńirlerindegi Qazaqstannyń progressıvti jastarynyń ókilderi qatysty.
QR Parlamenti Senatynyń tóraǵasy Máýlen Áshimbaev «Táýelsizdik urpaqtary» forýmyn ótkizý aıasynda ǵylymı, shyǵarmashylyq, qoǵamdyq qyzmeti, sondaı-aq joǵary sporttyq jetistikteri úshin «Daryn» memlekettik jastar syılyǵynyń laýreattaryna dıplomdar tabys etti. Ol daryndy jastardyń jańa býyny Qazaqstan Respýblıkasynyń Tuńǵysh Prezıdenti – Elbasy N.Á.Nazarbaev pen Memleket basshysy Q.K.Toqaevtyń jastardy qoldaýdaǵy joǵary rólin ataı otyryp, myqty jáne beıbitsúıgish memleket qurý baǵytyn jalǵastyratynyna senim bildirdi.
Senat Tóraǵasy óz sózinde qatysýshylardy Táýelsizdiktiń 30 jyldyǵymen jáne Tuńǵysh Prezıdent kúnimen quttyqtady. Ol sondaı-aq Qazaqstannyń elimizdiń Táýelsizdik alǵaly qol jetkizgen jetistikterge toqtala kelip, Qazaqstannyń Tuńǵysh Prezıdenti – Elbasy Nursultan Nazarbaevtyń jastardy qoldaýǵa arnalǵan bastamalary týraly jan-jaqty aıtyp berdi.
«Táýelsizdiktiń alǵashqy jyldarynan bastap jastarymyz álemniń eń ozyq joǵary oqý oryndarynda bilim alý úshin «Bolashaq» baǵdarlamasy iske asyryldy. Baǵdarlama arqyly qazaqstandyq jastar álemniń eń úzdik ýnıversıtetterinde bilim aldy. Osy jyldary 1800 shamasynda jańa mektep salyndy. Ult densaýlyǵyn jaqsartý jolynda jańa aýrýhanalar men ǵylymı medısına ortalyqtary boı kóterdi. Táýelsizdik alǵaly 1800-den astam densaýlyq saqtaý nysany salynyp, paıdalanýǵa berildi. Elimizdiń, ásirese, óńirler men aýyl-aımaqtyń ınfraqurylymyn jetildirýge baǵyttalǵan kóptegen jobalar júzege asyryldy. Munyń bári, eń aldymen, jastarymyzdyń bilimdi, deni saý, básekege qabiletti bolyp qalyptasýy úshin jasaldy», dedi Máýlen Áshimbaev.
Senat Tóraǵasy sonymen qatar kúni keshe Nur Otan partııasy Saıası keńesiniń otyrysynda Elbasy «Eldiktiń jeti tuǵyry» atty qaǵıdattar jıyntyǵyn jarııalap, qazaqstandyqtardyń jańa dáýirdegi basty baǵdaryn aıqyndap bergenin aıtty. Tuńǵysh Prezıdent sózin tilge tıek etken Máýlen Áshimbaev Táýelsizdikti, birlik pen kelisimdi, ata-babadan mıras bolǵan jerdi, otbasylyq qundylyqtar men salt-dástúrdi, ulttyq mádenıetti saqtap, bilim men eńbekke jáne pragmatızmge basymdyq berý arqyly jasampaz ult bolyp qalyptasatynymyzdy atap ótti.
Senat Tóraǵasy Memleket basshysy Qasym-Jomart Toqaevtyń tapsyrmasymen sońǵy jyldary elimizde jastar saıasaty aıasynda aýqymdy jumys atqarylǵanyn da jetkizdi. Olardyń qatarynda Volonter jylyn ótkizý, Prezıdenttik jastar kadrlyq rezervin qurý, saıası partııalardyń saılaý tiziminde áıelder men jastar úshin mindetti 30 paıyzdyq kvotany zańmen engizý jónindegi bastama jáne taǵy basqalary bar.
«Prezıdentimizdiń bastamasymen jastardy qoldaýǵa arnalǵan júıeli jobalar iske asyrylýda. Memleket tarapynan jastar úshin tıimdi jáne ádiletti áleýmettik lıft qalyptastyrýǵa basa mán berilýde. Osynyń negizinde Prezıdenttik jastar kadrlyq rezervi jasaqtalyp, bilikti jastar irikteldi», dedi Senat Tóraǵasy.
El Táýelsizdiginiń 30 jyl ishindegi Elbasy Nursultan Nazarbaevtyń jastar saıasaty salasyndaǵy bastamalarynyń praktıkalyq mańyzdylyǵy jóninde Aqparat jáne qoǵamdyq damý mınıstri Aıda Balaeva egjeı-tegjeıli toqtaldy. Atap aıtqanda, Mınıstr memlekettik jastar saıasaty týraly zańdy, «Bolashaq» halyqaralyq stıpendııasyn, talantty, eńbekqor jáne belsendi jastardy qoldaýǵa baǵyttalǵan «Daryn» Memlekettik syılyǵyn; sondaı-aq «Dıplommen aýylǵa», «Jasyl el» «Jastar praktıkasy», «Serpin» jobalaryn jáne t.b. erekshe atap ótti.
«Memleket basshysy Qasym-Jomart Toqaev jastardy qoldaý saıasatynyń sabaqtastyǵyn jalǵastyryp keledi», dedi A.Balaeva.
Atap aıtqanda, Prezıdenttiń tapsyrmasy boıynsha Mınıstr Qazaqstan jastaryn damytý ındeksiniń jobasy ázirlengenin, ol boıynsha jergilikti organdardyń jastar saıasatyn iske asyrý jónindegi jumysy naqty krıterııler negizinde baǵalanatyndyǵy jóninde aıtyp berdi. A.Balaeva atalǵan ındeks kelesi jyldan bastap Qazaqstannyń barlyq 17 óńirinde engiziletinin habarlady.
О́tken forýmnyń mańyzdy bóligi 2041 jylǵy bolashaq urpaqqa Joldaýy bar krıptokapsýlanyń iske qosylýy boldy. Bul krıptokapsýla Qazaqstan táýelsizdiginiń 50 jyldyǵyna oraı ashylady dep josparlanýda. Ony el Táýelsizdiginiń 30 jyldyǵy jastarynyń ókilderi atynan matematıka páni boıynsha halyqaralyq olımpıada jeńimpazy Sultanbek Baıjanov iske qosty. Krıptovalıýtany jas startaper Tımýr Rysbekov arnaıy ázirlegenin atap ótken jón.
Forým barysynda jas belsendilerdiń bastamashyl toby Elbasy N.Á.Nazarbaevqa «Alǵys kitabyn» tabys etýdi usyndy. Onda Qazaqstan Táýelsizdiginiń arqasynda kásibı jáne qoǵamdyq mańyzy bar tabystarǵa qol jetkizgen el jastary ókilderiniń alǵys sózderi jınaqtalǵan.
Qazaqstan jastarynyń «Táýelsizdik urpaqtary» forýmy aıasynda belsendi jastarǵa arnalǵan forsaıt-sessııalar: bıznesmender, zertteýshiler, ÚEU kóshbasshylary, BUU ókilderi qatarynan belgili spıkerlerdiń qatysýymen Qazaqstan jastaryn tolǵandyratyn túrli ózekti taqyryptar boıynsha ótti.
Forsaıt-sessııalar «Tulǵany damytý trendteri», «Spıraldy dınamıka. Adamzatqa qoljetimdi oılaýdyń tásilderi», «Halyqaralyq volonterlik – jeke tulǵanyń damýynyń jańa trendi retinde», «Álemdegi jáne Qazaqstandaǵy kásipkerliktiń sıfrlyq transformasııasy», «XXI ǵasyrdaǵy halyqaralyq damýǵa járdemdesý: negizgi úrdister» sekildi taqyryptarǵa arnalǵan.
