Kásipkerlik negizi – tabys kózi

Nátıjesinde, ótken 9 aıda bıýdjetke 144 mlrd teń­ge tústi, bul ótken jyl­dyń sáıkes kezeńinen 1,8 ese artyq. Qoldanystaǵy baǵ­­darlamalar aıasynda 3 myń­­nan astam kásipkerge 26 mlrd teńge kóleminde qoldaý kór­setilgen. Al «Eńbek» baǵ­­­darlamasy sheńberinde «Bas­taý Bıznes» kásipkerlik ne­gizderin oqytý jobasy aýyl­daǵy aǵaıynnyń kásip ashyp, isin ilgeriletýge erekshe yq­pal etip otyr deýge bolady.

– Bıyl «Eńbek» baǵdar­lamasy sheńberinde «Bastaý Bıznes» kásipkerlik negiz­derin oqytý jobasy boıynsha 3,1 myńnan asa jumyssyz jáne isin jańa bastaǵan ká­sipkerler bilim aldy. О́tken jyldary aıaqtaǵandardy es­kere otyryp, joba boıynsha oqytylǵandardyń ishinen 1 600 shamasyndaǵy bıznes-jobaǵa memlekettik baǵ­dar­lamalar aıasynda grant­tyq qarjylandyrý ja­sa­lyp, kásipkerlerge jeńil­de­tilgen nesıe berildi, – deı­di oblystyq kásipkerler pala­tasynyń dırektory Lázzat Shyńǵysbaeva.

«Bastaý Bıznes» ká­sip­kerlik negizderin oqytý jobasyna qatysyp, óz isin bas­taýǵa qol jetkizgen jan­nyń biri – Nazgúl Aqjol­tae­va. Ol memleketten qaıta­rymsyz grant alyp, jar­ty­laı fabrıkattar shyǵa­ra­tyn shaǵyn seh ashty. Isker jan búginde Qapshaǵaı qala­synyń mańyndaǵy Sheń­geldi aýylynyń bes myń turǵynyn óz ónimimen qamtamasyz etip otyr. Nazgúl Aqjoltaeva ma­mandyǵy boıynsha pedagog, alaıda osyǵan deıin onlaın-bıznespen aınalysyp keldi. Jeke isin dúken ashýdan bastaǵysy kelgenimen, keıin ónim shyǵarý baǵytyna bet burdy. Osylaısha Nazgúl torttar, bálishter pisire bas­tady, jemisterden gúl shoq­taryn jınap, satty. О́n­diristi odan ári damytýǵa ob­lystyq kásipkerler pala­tasy Qapshaǵaı qalalyq fı­lıalynyń mamandary qoldaý kórsetti. Jas kásipkerge «Bastaý Bıznes» kásipkerlik negizderi boıynsha jobaǵa qatysyp, keıin qaıtarymsyz grant alýǵa ótinim berý usy­nyldy.

– «Bastaý Bıznes» kýr­­syna qatysa otyryp, óńi­rimizge qajetti taýarlar na­ryǵyn zerttep, taldaý jasa­dym. Turǵyndardan úıde da­ıyndalǵan, konservanttarsyz, muzdatylǵan jartylaı fabrıkattarǵa suranys bar degen pikirge keldim. Osy­laısha memlekettik qoldaý arqyly shaǵyn seh ashtym, endi óz dúkenimdi ashý úshin jumys istep jatyrmyn, – deıdi óziniń kásipkerlikti meń­gerý týraly syrymen bólisken Nazgúl.

«Eńbek» baǵdarlamasy aıasynda Nazgúl Aqjoltaeva 200 aılyq eseptik kórsetkish kóleminde grantqa qol jet­kizip, qarajatqa jartylaı fabrıkattar shyǵaratyn seh úshin jabdyq satyp al­dy. Sehta tushparanyń úsh túri, va­renıktiń úsh túri, kot­­let­ter, qyryqqabat oramy, mánti, hınkalı, samsa, tol­ty­rylǵan burysh ja­sa­­lady. Aı saıyn Damdi Alem brendimen 120 kg ónim shy­ǵarylady.

– Tushparany jáne bas­qa da ónimderdi qamyr men tar­tylǵan et sapasyn joǵaltpaı, hımııalyq qos­­­pa­larsyz qolymyzben ja­saı­myz. Satyp alýshy­la­ry­myzǵa saqtaý merzimi az muzdatylǵan ónimderdi usy­namyz. Turǵyn­dar arasynda kókónis shyryndarynan túrli-tústi tushpara erekshe suranysqa ıe. Qazir menimen birge eki adam jumys isteıdi. Kelesi jyly ónim as­sor­tımentin keńeıtip, je­ke dúkenimdi ashýdy jos­par­lap otyrmyn, – dedi jas kásipker.

Almaty oblysy