Álem • 25 Qarasha, 2021

Sáýle Omarova AQSh-ta joǵary laýazymǵa taǵaıyndalmaı qalýy múmkin

466 ret

kórsetildi

1 mın

oqý úshin

Qazaqstan týmasy Sáýle Omarovanyń AQSh-ta joǵary laýazymǵa taǵaıyndalýyna kongresstegi birqatar demokrat qarsylyq bildirdi. Osydan keıin Omarovanyń bul laýzymǵa taǵaıyndalmaı qalýy múmkin ekeni aıtyldy, dep habarlaıdy Egemen.kz.

Gaýhar QAPASh

Sáýle Omarova AQSh-ta joǵary laýazymǵa taǵaıyndalmaı qalýy múmkin

Bul týraly Daily Mail basylymy jazady.

Bul týraly alǵash ret Axios portaly óz derekkózine silteme jasaı otyryp jazdy. Onda senatorlar Djon Tester, Mark Ýorner jáne Kırsten Sınema Senat bank komıtetiniń tóraǵasy Sherrod Braýnmen telefon arqyly sóıleskende Omarovanyń kandıdatýrasyn qoldamaıtynyn aıtqany kórsetilgen.

Sondaı-aq, olarǵa demokrat senatorlar Djon Hıkenlýper men Mark Kellı de qosyldy. Derekke súıensek, olar bul týraly Omarova hanymdy usynǵan Aq úıge de habarlaǵan. Portal boljamy boıynsha, budan keıin ony taǵaıyndaý múmkin emes.

Bul rette Aq úı ókili ákimshilik óz tańdaýyn ustanatynyn aıtty.

«Sáýle Omarova bul laýazymǵa laıyqty. Ol usynylǵan sátten bastap, respýblıkashylardan ádiletsiz qýdalaýǵa ushyrady», dedi sheneýnik.

Buǵan deıin AQSh Senatynda bank retteýshisiniń basshysy laýazymyna Sáýle Omarovanyń kandıdatýrasyn usyný kezinde daý shyqqany habarlanǵan bolatyn.