Qaǵıdalarǵa sáıkes mundaı is-sharalar qajet bolǵan kezde obaǵa qarsy kúres stansııalary, al olar bolmaǵan kezde halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń aýmaqtyq bólimsheleri menshik nysanyna qaramastan medısınalyq uıymdarǵa konsýltasııalyq-ádistemelik kómek kórsetedi.
Sanıtarııalyq-epıdemııaǵa qarsy is-sharalardy júrgizý kezinde EAEO ónimderin memlekettik tirkeý týraly kýálikterdiń biryńǵaı tiziliminde tirkelgen dezınfeksııa, dezınseksııa, deratızasııa quraldaryn paıdalanady.
Oba kezindegi áreketter
Obanyń tabıǵı oshaqtaryndaǵy sanıtarııalyq-epıdemıologııalyq monıtorıngti halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń aýmaqtyq bólimsheleri jáne halyqtyń sanıtarııalyq-epıdemıologııalyq salamattylyǵy salasyndaǵy qyzmetti júzege asyratyn memlekettik uıymdar júzege asyrady.
Oba boıynsha enzootııalyq aýmaqta sharýashylyq qyzmetti júzege asyratyn zańdy jáne jeke tulǵalar shtat personaly men tartylǵan adamdardy obanyń tabıǵı oshaǵyndaǵy sanıtarııalyq-epıdemıologııalyq jaǵdaı, oba aýrýyna kúdik týyndaǵan jaǵdaıda jeke qorǵaný sharalary men is-qımyldar týraly habardar etedi, sondaı-aq epıdemııalyq jaǵdaı týyndaǵan kezde adamdardyń qaýipsizdigin qamtamasyz etý úshin sharalar qabyldaıdy.
Halyqtyń sanıtarııalyq-epıdemıologııalyq salamattylyǵy salasyndaǵy memlekettik organnyń aýmaqtyq bólimsheleri oblystardyń, respýblıkalyq mańyzy bar qalalardyń jáne astananyń densaýlyq saqtaýdy memlekettik basqarýdyń jergilikti organdarymen jáne obaǵa qarsy uıymdarmen birlesip aýmaqtardy sanıtarııalyq qorǵaý jónindegi is-sharalar josparlaryn jáne sanıtarııalyq-epıdemııaǵa qarsy is-sharalardyń jedel josparlaryn ázirleıdi:
- Aýmaqtyń yqtımal qaýiptilik dárejesin eskere otyryp, obaǵa turaqty sanıtarııalyq-epıdemıologııalyq monıtorıng júrgizýdi qamtamasyz etý jónindegi sharalar;
- Oba boıynsha epıdemııalyq asqynýlar jaǵdaıynda medısınalyq jáne obaǵa qarsy stansııalardyń turaqty ázirligin jáne ózara is-qımylyn qamtamasyz etý jónindegi sharalar;
- Obanyń tabıǵı oshaqtarynyń aýmaǵynda turatyn halyqtyń obamen aýyrýynyń, ony tabıǵı oshaqtardan tysqary jerge shyǵarýdyń, shetelden ákelýdiń jáne QR aýmaǵynda epıdemııalyq taralýdyń aldyn alýǵa baǵyttalǵan jumystardy materıaldyq-tehnıkalyq qamtamasyz etý;
- Oba aýrýynyń jekelegen jáne jappaı jaǵdaılary týyndaǵan kezde kúshter men quraldardy esepteı otyryp, obanyń epıdemııalyq oshaǵyn ýaqtyly oqshaýlaý jáne joıý jónindegi sanıtarııalyq-epıdemııaǵa qarsy is-sharalar kesheni;
- Oba boıynsha sanıtarııalyq-epıdemııaǵa qarsy is-sharalardy júrgizý úshin medısınalyq uıymdardy medısınalyq quralymdardy óristetýge ázirlikte ustaý;
- Obanyń epıdemııalyq oshaǵyn oqshaýlaý jáne joıý úshin óristetiletin mamandandyrylǵan quralymdardyń medısınalyq personalyn daıarlaý;
- banyń aldyn alý máseleleri boıynsha halyqtyń bilimin arttyrýǵa baǵyttalǵan sanıtarlyq-aǵartý jumystaryn júrgizý.
Medısınalyq uıymdar jyl saıyn obaǵa qarsy stansııalar anyqtaıtyn epıdemııalyq maýsym bastalǵanǵa deıin bir aıdan keshiktirmeı tabıǵı oshaqtyń aýmaǵynda ýaqytsha nemese turaqty bolatyn adamdardy obaǵa qarsy vaksınasııalaýdy júrgizýi tıis.
Qujattyń tolyq mátinimen myna silteme arqyly tanysa alasyz.
Buıryq 2021 jylǵy 4 jeltoqsannan bastap qoldanysqa engiziledi.
