Bilim • 26 Qarasha, 2021

Taýman Amandosovtyń týǵanyna – 100 jyl

96 ret kórsetildi

Qazaq jýrnalıstıkasynyń altyn uıasy – Ál-Farabı atyndaǵy Qazaq ulttyq ýnıversıtetinde kórnekti ǵalym Taýman Amandosovtyń týǵanyna 100 jyl tolýyna oraı «Jýrnalıstıka, baspa isi, medıadızaın: búgingi trend jáne damý tendensııasy» atty halyqaralyq ǵylymı-tájirıbelik konferensııa ótti.

Aıtýly sharaǵa memleket jáne qoǵam qaıratkerleri, QR Senaty men Májilis depýtattary, BAQ basshylary, Atyraý oblysy ákimdiginiń ókilderi, ǵalymnyń jaqyndary men shákirtteri jáne stýdent-jastar qatysty.

Jıylǵan qaýym aldymen qazaq baspasóziniń korıfeıi Taýman Amandosovtyń ómiri men shyǵarmashylyǵyna arnalǵan kitap  jáne fotokórmemen tanysty. Onda ulaǵatty ustazdyń ár jyldary jaryq kórgen kitaptary men ómir jolynan syr shertetin sýretter, zertteý materıaldary qoıylǵan.E

Konferensııany  Ál-Farabı atyndaǵy QazUÝ-dyń Basqarma Tóraǵasy – Rektory Janseıit Túımebaev quttyqtaý sózben ashyp berdi. Ýnıversıtet basshysy taý tulǵaly qaıratkerdiń ustazdyq uly qasıetterine toqtaldy. Ǵalymnyń ǵylymı dárisimen qatar, júris-turysy, sóılegen sóziniń ózi jastarǵa úlken úlgi-ónege bolǵanyn mysalǵa aldy.

«Taýman Amandosov qarashańyraqty tamamdaǵan soń, ýnıversıtette tapjylmaı sabaq berdi. Kóptegen talantty shákirt tárbıelep, qazaq jýrnalıstıkasynyń damýyna ólsheýsiz eńbek sińirdi. Professor oqý ornymyzdyń fılologııa, jýrnalıstıka fakýltetterin abyroımen basqardy. Tele-radıo kafedrasynyń ashylýy da Taýman Amandosov esimimen baılanysty», deı kele, rektor konferensııanyń ǵalymǵa degen qurmetpen qatar, artar jaýapkershiligin de eske saldy.

Búgingi jýrnalıstıkanyń, onyń ishinde  áleýmettik jelilerdiń bet-beınesi men qoǵamǵa sińirip jatqan qundylyqtaryna synı turǵyda qaraı otyryp, oǵan sapalyq jaǵynan áser etýdiń mańyzyn basa aıtty.

Jıynda QR Aqparat jáne qoǵamdyq damý mınıstri Aıda Balaevanyń quttyqtaý haty oqyldy. Hatta: «Taýman Salyqbaıuly – sanaly ǵumyryn ǵylym men bilimge arnap, qazaq pýblısıstıkasynyń teorııasy men tájirıbesin zerttegen ǵalym, jýrnalıstıka salasynda birneshe býyn shákirt tárbıelegen ustaz. Aldaǵy ýaqytta da Taýman Salyqbaıulynyń esimin ulyqtap, ulttyq rýhanııat jolyndaǵy shyǵarmashylyǵy men eńbegin dáripteý isi jalǵasyn tabady dep senim bildiremin», delingen.

Sonymen qatar konferensııa jumysyna QR Prezıdenti Ákimshiligi basshysynyń birinshi orynbasary Dáýren Abaevtyń  haty tústi.  Quttyqtaýda sanaly ǵumyryn shákirt tárbıeleýge arnaǵan ustazdyń eren eńbegi aıtylyp,

«Ál-Farabı atyndaǵy Qazaq ulttyq ýnıversıteti jýrnalıstıka fakýltetiniń búgingideı mańyzdy is-sharany uıymdastyrýy – Taýman Amandosovtaı taý tulǵalarymyzdyń isine adaldyǵynyń aıǵaǵy. Ujym kóp jyldar boıy maman daıarlaý degen asa jaýapty mindetti abyroımen atqaryp keledi»dep atap ótilgen.

Basqosýda jazýshy Smaǵul Elýbaı tulǵa jaıly estelikterimen bólisti.

«Dekan degen laýazymdy ómir boıy esimde qaldyrǵan Taýman Amandosov edi. Jýrnalıstıka fakýlteti – bizdiń ushqan uıamyz. Biz – Taýman aǵaıdyń tuńǵysh shákirtterimiz, jýrnalıstıka fakýltetiniń tuńǵysh túlekterimiz. Taýman aǵadan bastalǵan tálim – maǵynaly sóz estý. Biz bes jyl sol esti sózdi estip, qara shańyraǵymyzdan túlep ushtyq», dep, stýdenttik qyzyqty kúnderden syr shertti.

Sondaı-aq alqaly jıynda QR Parlamenti Májilisiniń depýtaty Saýytbek Abdrahmanov, professor Namazaly Omashev, Qazaqstan jýrnalıster akademııasynyń prezıdenti Saǵymbaı Qozybaev,  Jazýshylar odaǵy tóraǵasynyń orynbasary, aqyn Baýyrjan Jaqyp, QazUÝ professory Káken Qamzın, «Almaty» telearnasynyń basshysy Nurjan Muhamedjanova jáne ózge de ǵalymnyń kóptegen shákirtteri sóz arnap, ustaz taǵylymy jaıly oı tolǵady.

Professor Taýman Amandosov jýrnalıstıka teorııasyna mamandanǵan KSRO-daǵy jeti professordyń biri bolatyn. On bir monografııalyq eńbektiń, sondaı-aq jurtshylyqqa keńinen málim «Pýblısıstıka – dáýir úni», «Dostyq lebizi», «Qazaq sovet baspasóziniń janrlary» atty oqý quraldarynyń avtory.

Shara barysynda jastardyń jýrnalıstıka men dızaın salasyndaǵy shyǵarmashylyq izdenisterine qoldaý kórsetý jáne jýrnalıst, ustaz, ǵalym Taýman Amandosovtyń esimin urpaq esinde qaldyra otyryp, ómirsheń ónegesin úlgi etý maqsatynda uıymdastyrylǵan «Amandosov baıqaýynyń» júldegerleri marapattalyp, ǵalym atyndaǵy demeýlik shákirtaqylar tabystaldy.

«Úzdik ǵylymı jumys» nomınasııasynyń I oryn ıegeri Almabek Ibraıymov:

«Habar-oshar dúnıesi adamzat sanasymen birge damyp kele jatyr» degen fılologııa ǵylymynyń doktory, professor Taýman Amandosovtyń zamansóz tamyrynyń kóne dáýirlerden bastaý alatynyna, sol dáýirlerde  ózine tıesili qyzmetin atqarǵanyna ıshara jasaǵanyn aıtqym keledi. Osy tendensııany alǵashqylardyń biri bolyp baıqaǵan da, aqparat almasý men jýrnalıstıka salalarynyń túp tamyry erte dúnıeden bastaý alǵanyn alǵashqylardyń biri bolyp til ushyna iliktirgen de Taýman Salyqbaıuly edi», degen pikirimen bólisti.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar