Senim serpini

Bas prokýratýranyń ınno­vasııalyq jobalary talqylanǵan osy quzyrly organ janyndaǵy Qoǵamdyq keńestiń májilisinde kóp nárse aıtyldy. Otyrysqa Parlament Sena­ty­nyń depýtaty Qýanysh Sul­tanov tóraǵalyq etti. Májilis barysynda Qoǵamdyq keńes múshe­lerine quqyqtyq statıs­tıkany qalyptastyrý jónindegi qazirgi aqparattyq júıeniń múm­kin­dikteri kórsetildi. Osy maqsatta 6 av­to­mattandyrylǵan aqparattyq júıe jasalyp, ondaǵy aqparattar statıstıkalyq esep berýdiń 43 túrine jáne arnaıy esepke alý­dyń 16 túrine biriktirilgen eken. Qylmystardy tirkeýden bas­tap olardy sotta qaraýdyń nátıjelerine deıingi derekterdiń birtutas esebi qamtamasyz etilgen. Sóıtip, osy derekter negizinde azamattar úshin ózekti de qajetti ınnovasııalyq jobalar paıda bolypty. Máselen, bastapqy ınnova­sııa­­­lyq ıdeıa retinde 2011 jyly aryzdar men aqparattardyń elektrondy esepke alý kitapshasy is­k­e qosylyp, onda naqty ýaqyt tár­­tibinde qylmystar týraly bar­­lyq tirkelgen habarlamalar jınaqtalǵan. О́tinishterdi tir­­­­keý úderisi qarapaıym jáne qyzmetkerler úshin qolaıly, al azamattar úshin ashyq. Bul júıe ár aryz ben habarlamanyń qaralý barysyn qadaǵalap otyrýǵa múmkindik beredi. Sonymen qatar, ol aryzdardyń jyldam da jan-jaqty qaralýymen qatar, qaǵazbastylyqty jáne polısııa qyzmetkerleriniń azamattarmen qyzmetten tys baılanysyn barynsha azaıtty. Esepke alý-tirkeý salasyn tár­tip­ke keltirý, óz kezeginde, esepke alýdan jasyrylǵan qylmystardyń sanyn edáýir azaıtýǵa, tasada qalǵan qylmystardy jaryqqa shaǵaryp, elimizdegi qylmystylyqtyń shy­­naıy kórinisin jasaýǵa qol jetkizýge múmkindik berdi. Sonymen qatar, keri baılanys ornatýdy jáne bı­lik organdarynyń azamattardyń ótinishterine tıisinshe nazar aýdarýyna qoǵamdyq baqylaýdy qam­tamasyz etý úshin «Aıqyn» jobasy iske asty. Ol ótinishterdiń mem­­lekettik organdarda jyljý kezeńderinen bastap, ol jóninde sheshim qabyldanǵanǵa deıingi barysyn Internet arqyly kórip otyrýǵa múmkindik beredi. Kelesi jyldan bastap bul júıe aýyldyq deńgeıdegi bıliktiń barlyq organdaryn qamtymaq. Komıtet saıtynan krımınogendi aımaqtardy, jalpy, el boıynsha, sondaı-aq, naqty oblys ortalyǵyn, úıler men kóshelerdi kez kelgen ýaqyt aralyǵynda keńinen qam­tylǵan qylmystylyq kartasynan da kórýge bolady. Bul kartany polısııa narıadtaryn ornalastyrý, beınebaqylaý kameralaryn tıimdi ornatý jáne basqa da aldyn alý sharalary úshin ishki ister organdary qazirdiń ózinde jıi qoldanyp júr. Jol apaty qartasy jol-kólik oqı­ǵalary týraly málimetter negi­zinde jasalyp, elimizdiń joldary men eldi mekenderiniń eń qaýipti bólikterin kórneki túrde eskertip turatyn jol polısııasy organdaryna jáne basqa ýákiletti qyzmetterge baǵa jetpes kómek retinde tanylyp otyr. «Bıznes tiregi» jobasyn en­gi­zý kásipkerler úshin mańyzdy aq­parattyq qyzmet kórsetýdiń biri boldy. Onyń maqsaty – bıznesti tekserýdi ótkizýdiń aıqyndylyǵyn qamtamasyz etý men kásipkerlerdiń qyzmetine memlekettik organdardyń zańsyz aralasý deregin barynsha azaıtý. Servıs arqyly kásipkerler tekserýdiń tirkelýiniń anyqtyǵyn óz betinshe tekserý múmkindigine ıe bolyp, tekserýshiler tarapynan bolǵan óz quqyǵynyń buzylǵany týraly prokýrorlarǵa jedel habarlaı alady. Qylmystyń aldyn alý áleýetti qurylymdardyń kúsh-jigerin biriktirip, aqparattyq almasýdyń birtutas vedomstvoaralyq júıesin jasaý qajettiligin týdyrdy, ol qazirdiń ózinde qylmystyń ýaqtyly aldyn alý jáne ashý úshin qajetti 61 derek qoryn biriktirip otyr. Sonymen, bul jańalyqtar nátıjesi barlyq quqyq qorǵaý salasy jumysynyń tıimdiligine oń áser etip, memlekettik bılik organdarynyń ashyqtyǵyn jáne azamattardyń áleýmettik mańyzdy qyzmet kórsetýlerge qoljetimdiligin qamtamasyz etetindigi aıqyndala túskenin bildiredi. Bul óz kezeginde olardyń quqyq qorǵaý organdaryna degen senimin odan ári nyǵaıtýyna járdemin tıgizbek. Aleksandr TASBOLATOV, «Egemen Qazaqstan».