Aldyn ala málimet boıynsha Nurmaǵanbet sharshy alańǵa jeltoqsan aıynda kóteriledi. Aıqastyń naqty qashan jáne qaıda ótetini aldaǵy ýaqytta anyqtalady. Degenmen ol elimizde ótetin keshterdiń birinde óner kórsetýi múmkin. Qazirgi tańda ol Almatyda jattyǵý jumysyn ótkizýde.
Bek kásipqoı bokstaǵy sońǵy kezdesýin qyrkúıekte Nur-Sultan qalasynda ótkizip, 30 jastaǵy meksıkalyq Brýno Sandovaladan (21-5-1, 17 KO) aılasyn asyryp, WBA International belbeýin jeńip aldy. Keıin 23 jastaǵy otandasymyz áýesqoı boksqa qaıta oralyp, Serbııada ótken álem chempıonatynda baǵyn synaǵan edi. Biraq Belgradtaǵy birinshiliktiń birinshi aınalymynda ol brazılııalyq Keno Machadodan utylyp qaldy.
