Múddelestik oraıyndaǵy áńgime

Qazaqstannyń Vena qalasyndaǵy halyqaralyq uıymdar janyndaǵy Turaqty ókili Qaırat Sarybaı IаSJTShU Atqarýshy hatshysy Lassına Zerboǵa Senim gramotasyn tabys etti. Qazaqstan ókili Iаdrolyq synaqtarǵa jappaı tyıym salý jónindegi shart uıymynyń (IаSJTShU) Atqarýshy hatshysymen áńgime barysynda ortaq múddege jatatyn birqatar máselelerdi talqylady. Q.Sarybaı ıadrolyq qa­rýdy taratpaý rejiminiń negizgi elementteriniń bi­­ri retinde Iаdrolyq sy­naq­­­­tarǵa jappaı tyıym salý jónindegi shart­qa Qazaqstannyń turaqty qoldaýyn atap ótti. Mem­leketimiz aýmaǵynda  Vena qala­syndaǵy IаSJTShU Ha­lyq­aralyq derekter or­talyǵyna tıisti aqpa­rat­tardy jiberip otyratyn tórt seısmıkalyq jáne bir ın­fradybystyq baqylaý stansalary ornatylǵan. Q.Sarybaı úshin atalǵan máselelerdegi elimizdiń ozyq ustanymy men BUU Bas Assambleıasynyń Ha­lyqaralyq ıadrolyq sy­naqtarǵa qarsy áreket kúni jáne «ATOM» Joba­syn jarııalaýyn qosa alǵanda, Qazaqstan basqa múshe memleketter úshin ıadrolyq qarýsyzdaný jáne taratpaý máseleleri boıynsha úlgi memleket bolyp tabylatynyn atap ótti. О́z kezeginde L.Zerbo Qa­zaqstannyń jahandyq ıadrolyq qaýipsizdikke qos­qan tarıhı úlesin, sondaı-aq, elimizdiń Uı­ym­nyń qyzmeti men ále­ýetin arttyrýǵa qaty­sýy­myzdy atap ketti. At­qa­­rýshy hatshynyń pi­ki­rin­she, Qazaqstan Pre­zı­denti N.Nazarbaevtyń bas­tamashylyqtary jahandyq ıadrolyq qaýipsizdik pen ıadrolyq qarýsyzdanýǵa aıtarlyqtaı úlesin qosýda. Iаdrolyq synaqtarǵa jappaı tyıym salý jó­nindegi shartqa qol qoıý Nıý-Iork qalasynda 1996 jylǵy 24 qyrkúıekte ashyldy. IаSJTShU-ǵa sáı­kes, árbir múshe memleket ıadrolyq qarýdyń synaq jarylysyn júrgizbeýge, óz quzyretindegi nemese baqylaýyndaǵy kez kel­gen jerde ıadrolyq jary­lys­tarǵa tyıym salýǵa jáne aldyn alýǵa mindetti. Qazirgi tańda shartqa 183 memleket qol qoıyp, 163-i bekitken. Kelisimniń kúshine enýi úshin ıadrolyq áleýetke ıe 44 memleket tarapynan bekitilýi qajet. Kelisimge Úndistan, KHDR jáne Pákistan qol qoıǵan joq, al Egıpet, Úndistan, Iran, Izraıl, QHR, KHDR, Pákistan jáne AQSh bekitýden ótkizgen joq. Qazaqstan Kelisimge 1996 jylǵy 30 qyrkúıekte qol qoıyp, 2001 jylǵy 14 jel­toqsanda bekitti. «Egemen-aqparat».