Oqıǵa • 01 Jeltoqsan, 2021

«QazMunaıGaz» jáne «Tatneft» býtadıen kaýchýkterin óndiretin birlesken kásiporyn qurdy

39 ret kórsetildi

2021 jylǵy 30 qarashada «QazMunaıGaz» UK» AQ Basqarma tóraǵasy Alık Aıdarbaev jáne «Tatneft» JAQ Bas dırektory Naıl Maganov «Býtadıen» JShS birlesken kásiporny boıynsha kelisimge qol qoıdy. Osy qujat negizinde kaýchýk óndirý jónindegi joba júzege asyrylady.

Kásiporynnyń josparly qýaty – jylyna 180 myń tonnaǵa deıingi býtadıen men býta­­dıen kaýchýkterin óndirý. QMG jáne «Tatneft» úlesteri, sáıkesinshe 25% jáne 75%-dy qu­raıdy. Aldyn ala esepteý boıynsha joba quny 1 mlrd AQSh dollaryna jýyq somaǵa ba­ǵalandy. Taraptar jobany qarjylandyrý jol­daryn, sonyń ishinde qaryz alý esebinen qar­jy­lan­dy­rý­dy qarastyrýda.

Atalǵan kásiporyn 2026 jyly Atyraý ob­lysyndaǵy «Ulttyq ındýstrııalyq munaı-hımııa tehnoparki» arnaıy ekonomıkalyq aımaq aýmaǵynda iske qosylady dep josparlanyp otyr. Jańa óndiris alańynda qurylys kezeńinde 2 myńǵa jýyq, al zaýyt paıdalanýǵa berilgennen keıin 700-den astam jumys orny ashylady.

Shıkizat Qazaqstannyń Teńiz jáne Korolevskoe ken oryndarynan jetkiziledi dep kózdelýde. Daıyn ónim Qaraǵandy oblysyndaǵy shına zaýytyna jóneltilip, Eýropa elderine, Reseı, Qytaı, Túrkııa jáne basqa da memleketterge eksportqa shyǵarylady dep josparlanyp otyr.

«Bizdiń kompanııa Damý strategııasyna sáı­kes óndiriletin ónimniń qosymsha qun tiz­be­gin keńeıtýge umtylyp, Qazaqstan Res­pýb­lı­ka­­syndaǵy munaı-gaz hımııasy salasyn jan-jaqty damytyp jatyr. «QazMunaıGaz» jáne «Tatneft» kompanııalarynyń birlesken ká­sip­orynnyń qurylǵany buǵan dálel bolyp otyr. Joba Qazaqstan men Tatarstan arasyndaǵy seriktestikti damytýǵa, sondaı-aq el ekonomıkasyn ártaraptandyrýǵa septik etetinine senimdimin», dep atap ótti Alık Aıdarbaev.

«Tatneft» kompanııasynyń munaı-hımııa salasy boıynsha úlken jospary bar. Bul baǵytta qazaqstandyq áriptesterimizben birlesip jumys isteıtinimizge qýanyshtymyz. Biz úshin Qazaqstan – strategııalyq seriktes el. Qazirdiń ózinde Qazaqstanmen ózara is-qımyl boıynsha tájirıbemiz bar, atap aıtqanda, Qaraǵandy oblysyndaǵy shına shyǵaratyn zaýytty birlesip iske qosý jumystaryn júrgizip jatyrmyz. Bul Eýrazııalyq odaqqa kiretin elderdiń ekonomıkalyq ıntegrasııa strategııasynyń júzege asyrylýynyń naqty kórinisi. Biz taǵy bir márte Qazaqstanda aýqymdy ınvestısııalyq jobalardyń júzege asyrylýyna barynsha qolaıly jaǵdaılar jasalǵandyǵynyń kýási boldyq. Býtadıen kaýchýkterin óndiretin jańa birlesken kásiporyn eki el ekonomıkasyn ny­ǵaıtýǵa jáne halyqtardyń ál-aýqatyn arttyrýǵa septigin tıgizetindigine senemin», dedi Naıl Maganov.

Eske sala keteıik, 2021 jylǵy 5 sáýirde «QazMunaıGaz» ben «Tatneft» arasynda «Bý­tadıen» jobasy boıynsha ózara is-qımyldyń negizgi sharttary boıynsha kelisimge keldi. 2021 jylǵy 28 sáýirde kompanııalar jobany iske asyrýdyń Jol kartasy men shaǵyn aýqymdaǵy shartqa qol qoıdy.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar