Kompanııanyń qyzmetimen tanysý úshin QR Densaýlyq saqtaý mınıstri Alekseı Soı Shveısarııanyń Bazel qalasyndaǵy dárilik preparattardyń óndiristik alańyna bardy.
Ekinshi nysan dıagnostıkalyq jabdyqtardy óndirý boıynsha Grosskroıs qalasyndaǵy zaýyt boldy.
Mınıstr orfandyq aýrýlardy emdeýge arnalǵan ınnovasııalyq preparattarǵa qol jetkizý máselesin, shveısarııalyq tehnologııalardyń Qazaqstanǵa transferiniń mańyzdylyǵyn, sondaı-aq kompanııanyń zerthanalyq ınfraqurylymdy damytýǵa baǵyttalǵan jobalardy iske asyrýǵa, COVID-19 bar pasıentterdi emdeýge arnalǵan dárilik preparattardy jetkizýge múddeliligin talqylaýǵa erekshe qyzyǵýshylyq tanytty.
Taqyrypty talqylaý 2021 jylǵy 29 qarashada qol qoıylǵan Qazaqstan Respýblıkasy Densaýlyq saqtaý mınıstrligi men Roche Ltd arasyndaǵy negizdemelik kelisimniń mańyzdylyǵyn rastaıdy.
Negizdemelik kelisim yntymaqtastyqtyń qaǵıdattary men aldyn ala nıetin belgileýge, sondaı-aq Qazaqstan Respýblıkasynyń aýmaǵynda farmasevtıkalyq ónerkásipti damytý jáne dárilik zattardyń jergilikti óndirisiniń úlesin ulǵaıtý jónindegi jobany iske asyrý maqsatynda baǵyttalǵan.
