Aımaqtar • 01 Jeltoqsan, 2021

Almaty metropolıteni 8 jańa elektr poıyzyn iske qosty

116 ret kórsetildi

Táýelsizdiktiń 30 jyldyǵy, Tuńǵysh Prezıdent kúni jáne Almaty metropolıteniniń 10 jyldyǵy qarsańynda 8 jańa elektr jyljymaly quram paıdalanýǵa berildi, dep jazady Egemen.kz.

Osydan on jyl buryn, 2011 jylǵy 1 jeltoqsanda Tuńǵysh prezıdent – Elbasy Nursultan Ábishuly Nazarbaev Qazaqstandaǵy alǵashqy jáne jalǵyz metropolıtendi ashyp, alǵashqy jolaýshy boldy. Sodan beri metro jumysy bir mınýtqa da toqtaǵan joq.

Quramnyń uzyndyǵy – 77,8 m, eń úlken tehnıkalyq jyldamdyǵy - 90km/saǵ. Temperatýra rejımi: Selsıı boıynsha -35, +40 gradýs.

4 vagon quramyndaǵy jolaýshylardyń syıymdylyǵy 940 adamdy quraıdy. Árbir vagon jylytý, jeldetý jáne aýa baptaý júıesimen, jolaýshylar salonynyń flýoressentti jaryqtandyrýymen jabdyqtalǵan.

Vagondar sonymen qatar ishki jáne syrtqy beınebaqylaý júıesimen jabdyqtalǵan. Mashınıstiń kabınadan vagondardyń ishindegi jáne syrtyndaǵy jaǵdaıdy beınebaqylaý júıesi monıtorynyń kómegimen baqylaý múmkindigi bar.

Barlyq vagondar jolaýshylarǵa bir vagonnan ekinshisine qaýipsiz jáne yńǵaıly ótýdi qamtamasyz etetin ashyq tıptegi (aralyq esiktersiz) keń vagonaralyq ótý joldary arqyly biriktirilgen.

Elektr poıyzdary jolaýshylar úshin de, qyzmet kórsetýshi personal úshin de joǵary qaýipsizdik pen jaıly jaǵdaıdy, sondaı-aq energııa tutynýdyń tómendetilgen deńgeıin qamtamasyz etedi.

Ońtústik koreıalyq Hyundai Rotem kompanııasy shyǵarǵan vagondar Almaty metropolıteni úshin arnaıy ázirlengen. Búgingi tańda metropolıtende 15 poıyz jumys isteıdi.

10 jyl boıy Metropolıten turaqty jumys isteıdi, ózine júktelgen mindetterdi oryndaıdy.

Sońǵy jańalyqtar

Qanat Taımerdenov jańa qyzmetke taǵaıyndaldy

Taǵaıyndaý • Búgin, 17:39

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar