Tuńǵysh Prezıdent kúnine arnalǵan konsert

Úlbiniń jaǵa­laýyndaǵy «Ertis konsertte» ótken saltanatty sha­raǵa Shy­ǵystyń ánshi-kúıshileri ǵa­na emes, Qazaqstan estradasynyń ta­­ny­mal juldyzdarynyń biri «Mezzo» toby da ánnen shashý shash­­ty.

Merekelik konsertke kelgen qala jurtshylyǵy eń aldymen «Ertis konserttiń» kireberis foıe­sine qoıylǵan «Kemeńger kósh­bas­shy – kemel Qazaqstan» atty kór­meni aralap kórdi. Ob­lystyq A.Pýshkın atyndaǵy ki­taphana ujy­my usynǵan bul kórmede Tuńǵysh Prezıdent Nursultan Nazarbaevtyń ómir joly, el úshin etken eńbegi, tá­ýelsiz Qazaqstannyń qalyp­ta­­sýy men osy kúnde jetken jetis­­tikteri týraly mol málimet jınaqtalǵanyna kýá boldy el. Kórmeden soń eldiń nazary Elbasy týraly derekti fılm­ge aýdy. Qys­qametrli derekti fılm­de Tuń­ǵysh Prezıdenttiń júrip ótken joly baıandalady.

Merekelik kúnge oraı uıym­dastyrylǵan konserttiń shy­myldyǵy Q.Muhtardyń oryn­da­ýyndaǵy «Asyl aǵa» atty ánmen túrildi. Sondaı-aq kórer­menniń ystyq yqylasyna ıe bolyp júrgen qazaq estradasynyń tanymal ánshileri «Mezzo» toby da arnaıy kelip, óner kór­setti. Klassıkalyq stılde ǵana án salatyn «Mezzo» toby bıyl Sochıde ótken «Jańa tol­qyn» baıqaýyna qatysyp, dúıim jurtty ónerlerimen tánti etken edi. Bul joly da olar G.Podelskııdiń «Lıýblıý tebıa, moı kraı rodnoı», Abaıdyń «Kó­zimniń qarasy» ánderin oryndap, óskemendikterdiń qoshemetine bólendi. Iá, tyńdap otyryp, ónerdiń, án óneriniń bir shyńy dersiz. Kóńildi keshte «Incoro» toby N.Nazarbaevtyń «Gorod moı» ánin shyrqady.

Tuńǵysh Prezıdenttiń ıadro­lyq qarýdan bas tartyp, búkil álemge úlgi bolǵanyn bárimiz bilemiz, maqtan tutamyz. Mere­kege oraılastyrylǵan bul kon­sertte Elbasynyń Semeı ıadro­lyq polıgonyn japqandaǵy eńbegi de ataldy. Osynaý ıgi is­tiń jelisin «Altaı» halyqtyq bı toby «Semeı-Nevada» kompo­zısııasy arqyly sátti alyp shyqty. Mere­kege oraı táýelsiz eldiń baqyt­ty balalary da óleń oqyp, án­nen shashý shashty. Olar «Úshqo­ńyr», «Aq kógershin», «Zemlıa moıa» án­de­rin shyrqap, kórermen jú­regin eljiretip jibergendeı boldy. Uıyp tyń­dady bári. Bir saǵat­qa sozylǵan merekelik konsert N.Nazarbaevtyń «Jerim meniń» áni­men qorytyndylandy.

Shyǵys Qazaqstan oblysy