Úkimet • 03 Jeltoqsan, 2021

Elde kókjótel, dıfterııa, sirespege qarsy vaksınalaý júrgizilmegen

98 ret kórsetildi

QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfeksııasynyń taralýyna jol bermeý jónindegi vedomstvoaralyq komıssııanyń otyrysy ótti, dep habarlaıdy Egemen.kz.

Kún tártibindegi negizgi máseleler COVID-19-ǵa qarsy kúresý, «omıkron» jańa shtammy taralǵan elderde bolǵan qazaqstandyqtardyń oralýy jáne odan keıingi karantınde bolýy máseleleri boıynsha sheshimder qabyldaýǵa qatysty.

Eraly Toǵjanov eldegi epıdemıologııalyq jaǵdaı turaqty ekenin aıtty, halyqty koronavırýs ınfeksııasyna jáne basqa da juqpaly aýrýlarǵa qarsy vaksınalaý jumystaryn jalǵastyrý qajet ekenin atap ótti.

Vedomstvoaralyq komıssııa josparly ımmýndaýmen qamtý ońtaıly kórsetkish 95%-dan kem emes bolǵan jaǵdaıda 10 aı ishinde 79%-dy quraıtynyn atap ótti. Respýblıkanyń barlyq óńirinde pnevmokokk ınfeksııasy, kókjótel, dıfterııa, sirespege (AKDS) qarsy vaksınalaýmen qamtýǵa qol jetkizilmegen.

Respýblıkalyq mánnen tómen kórsetkishter Atyraý (62,3%), Pavlodar (64,7%), Aqtóbe (66,1%), Mańǵystaý (66,4%), Batys Qazaqstan oblystarynda (67,4%) jáne Almaty qalasynda (63,4%) baıqalady. Immýndaý qarqyny qazan aıynan bastap turaqty tómendep kele jatqan óńirlerdiń, Qaraǵandy, Almaty, Atyraý, Aqtóbe oblystarynyń basshylaryna senip tapsyrylǵan aýmaqtardyń halqyn vaksınalaýmen qamtýdy erekshe baqylaýǵa alý tapsyrmasy berildi.

Sońǵy jańalyqtar

Uqsas jańalyqtar