Shyǵyp qalǵan máslıhattar depýtattarynyń ornyna saılaý jónindegi saılaý naýqanynyń
ótý barysy týraly
(2014 jylǵy 3 naýryzdaǵy jaǵdaı boıynsha) «Qazaqstan Respýblıkasyndaǵy saılaý týraly» Konstıtýsııalyq zańnyń 101-baby 4-tarmaǵyna sáıkes, aǵymdaǵy jyldyń 30 naýryzynda respýblıkanyń 14 óńirinde 59 saılaý okrýginde shyǵyp qalǵan máslıhattar depýtattarynyń ornyna saılaý ótedi. Barlyǵy Astana qalalyq máslıhatynyń 1 depýtaty, 7 oblystyq depýtat, 12 qalalyq depýtat jáne 39 aýdandyq máslıhattar depýtattary saılanady. Qazirgi sátte 185 adam usynyldy. Olardyń 60-yn saıası partııalar, 2-in qoǵamdyq birlestikter usyndy jáne 123-i ózin ózi usynǵandar. Usynylǵan kandıdattardyń 132-si er adam, 53-i áıel adam. Máslıhattar depýtattarynyń mandattaryna úmitkerlerdiń ortasha jasy 41 jasty quraıdy. 82,7%-ynyń joǵary bilimi bar. Qazirgi sátte máslıhat depýtattyǵyna úmitker retinde 69 adam tirkeldi. Olardyń 33-i Qazaqstan Respýblıkasy saıası partııalarynyń músheleri bolyp tabylady, 24-i partııada joq, taǵy 12-si ózderiniń partııaǵa múshelikterin kórsetpegen. Saılaý naýqany saılaý zańnamasy normalarynyń talaptaryna sáıkes ótip jatyr. Ortalyq saılaý komıssııasyna aryzdar men ótinishter kelip túsken joq, dep habarlady Qazaqstan Respýblıkasy Ortalyq saılaý komıssııasynyń baspasóz qyzmeti.
