«Kókshetaý» mádenıet saraıynda «Máńgilik El» respýblıkalyq aksııasynyń estafetalyq jıyntyq jıyny ótkizildi. Budan buryn ol aýdandar men qalalarda, oqý oryndary men eńbek ujymdarynda rýhanı órleý týǵyzǵan bolatyn.
Oblys ortalyǵynda bastalǵan saltanatty shara «Máńgilik El» uranymen jańǵyrdy. Osyndaǵy ıin tiresken halyqtyń qolynda logotıptik jalaýsha, moınynda kógildir lenta kóz tartady. Jurtshylyq «Máńgilik El joly» beınebaıanyn tamashalap, ulttyq birlestikter uıymdastyrǵan kópsalaly kórmeni aralap kórdi. Balabaqsha tárbıelenýshilerinen bastap, halyqaralyq deńgeıde tanylǵan ónerpazdardyń konserttik nómirleriniń arqaýy Elbasynyń taǵdyrsheshti Joldaýyn jappaı qoldaý aýanyn aıshyqty ańǵartýymen utymdy shyqty.
Aqmola oblysy ákiminiń birinshi orynbasary Rashıt Ákimov aksııa shymyldyǵynda tolǵanysty sóz sóıledi. Qazaq eli táýelsizdik jarııalaǵan 22 jylda qyrýar ister tyndyryp, aýqymdy jetistikterimen álem nazaryna ilikti, dedi ol. Bizdi dúnıejúzilik qoǵamdastyq damýshy memleket retinde qurmet tutyp, básekelestik dodasyndaǵy adal áriptes sanaıdy. Bul bizdiń barshamyzdyń ulttyq maqtanyshymyz. Mundaı el bolashaqqa arnalǵan aýqymdy josparlar túzip, onyń ıgiligin kórýge qabiletti.
Elbasy N.Á.Nazarbaev bıylǵy Joldaýynda: «Kúshti, qýatty memleketter ǵana uzaqmerzimdik josparlaýmen, turaqty ekonomıkalyq ósýmen aınalysady. «Qazaqstan-2050» Strategııasy – barlyq salany qamtıtyn jáne úzdiksiz ósýdi qamtamasyz etetin jańǵyrý joly», dep atap kórsetti. Osynaý orasan jaýapkershilik turǵysyndaǵy synnan súrinbeı ótýimizge astanalyq Aqmola oblysy eleýli úles qosatyny shúbásiz. О́ńir basshysynyń orynbasary osyǵan oraı birqatar negizdemelik derekter keltirdi. Oblys 2013 jyly 105,9 paıyzdyq óńirlik jalpy ónim ósimi jónindegi mindet údesinen kórindi. Bıylǵy jyldyń belgilengen belesteri de joǵary.
Minberge kóterilgen Parlament Senatynyń depýtaty Jabal Erǵalıev, elimizdiń bilim berý isiniń úzdigi Zere Qıyqova, oblystyq «Vaınah» cheshen-ıngýsh qoǵamdyq birlestiginiń tóraǵasy Gerıhan Iаndıev jınalǵandarǵa jalyndy sózin arnady. Onda Elbasymyzdyń «Máńgilik El» ıdeıasynan týyndaıtyn mindetter jurtshylyq júregin tebirenis pen tolǵanysqa túsirdi.
Patrıottyq aksııaǵa qatysýshylar buǵan deıin elimizdiń birneshe óńirin aralap, Qyzylorda oblysynan jetkizilgen «Máńgilik El» tilek kitabyn qabyldap aldy. Sondaı-aq, respýblıkalyq Nazarbaev Ortalyǵy ótkizgen jastardyń shyǵarmashylyq baıqaýynyń bes jeńimpazyn marapattaý sharasy ótkizildi.
Baqbergen AMALBEK,
«Egemen Qazaqstan».
Aqmola oblysy.
Sýretterdi túsirgen
Tólegen QOSShYǴULOV.
Oblys ortalyǵynda bastalǵan saltanatty shara «Máńgilik El» uranymen jańǵyrdy. Osyndaǵy ıin tiresken halyqtyń qolynda logotıptik jalaýsha, moınynda kógildir lenta kóz tartady. Jurtshylyq «Máńgilik El joly» beınebaıanyn tamashalap, ulttyq birlestikter uıymdastyrǵan kópsalaly kórmeni aralap kórdi. Balabaqsha tárbıelenýshilerinen bastap, halyqaralyq deńgeıde tanylǵan ónerpazdardyń konserttik nómirleriniń arqaýy Elbasynyń taǵdyrsheshti Joldaýyn jappaı qoldaý aýanyn aıshyqty ańǵartýymen utymdy shyqty.
Aqmola oblysy ákiminiń birinshi orynbasary Rashıt Ákimov aksııa shymyldyǵynda tolǵanysty sóz sóıledi. Qazaq eli táýelsizdik jarııalaǵan 22 jylda qyrýar ister tyndyryp, aýqymdy jetistikterimen álem nazaryna ilikti, dedi ol. Bizdi dúnıejúzilik qoǵamdastyq damýshy memleket retinde qurmet tutyp, básekelestik dodasyndaǵy adal áriptes sanaıdy. Bul bizdiń barshamyzdyń ulttyq maqtanyshymyz. Mundaı el bolashaqqa arnalǵan aýqymdy josparlar túzip, onyń ıgiligin kórýge qabiletti.
Elbasy N.Á.Nazarbaev bıylǵy Joldaýynda: «Kúshti, qýatty memleketter ǵana uzaqmerzimdik josparlaýmen, turaqty ekonomıkalyq ósýmen aınalysady. «Qazaqstan-2050» Strategııasy – barlyq salany qamtıtyn jáne úzdiksiz ósýdi qamtamasyz etetin jańǵyrý joly», dep atap kórsetti. Osynaý orasan jaýapkershilik turǵysyndaǵy synnan súrinbeı ótýimizge astanalyq Aqmola oblysy eleýli úles qosatyny shúbásiz. О́ńir basshysynyń orynbasary osyǵan oraı birqatar negizdemelik derekter keltirdi. Oblys 2013 jyly 105,9 paıyzdyq óńirlik jalpy ónim ósimi jónindegi mindet údesinen kórindi. Bıylǵy jyldyń belgilengen belesteri de joǵary.
Minberge kóterilgen Parlament Senatynyń depýtaty Jabal Erǵalıev, elimizdiń bilim berý isiniń úzdigi Zere Qıyqova, oblystyq «Vaınah» cheshen-ıngýsh qoǵamdyq birlestiginiń tóraǵasy Gerıhan Iаndıev jınalǵandarǵa jalyndy sózin arnady. Onda Elbasymyzdyń «Máńgilik El» ıdeıasynan týyndaıtyn mindetter jurtshylyq júregin tebirenis pen tolǵanysqa túsirdi.
Patrıottyq aksııaǵa qatysýshylar buǵan deıin elimizdiń birneshe óńirin aralap, Qyzylorda oblysynan jetkizilgen «Máńgilik El» tilek kitabyn qabyldap aldy. Sondaı-aq, respýblıkalyq Nazarbaev Ortalyǵy ótkizgen jastardyń shyǵarmashylyq baıqaýynyń bes jeńimpazyn marapattaý sharasy ótkizildi.
Baqbergen AMALBEK,
«Egemen Qazaqstan».
Aqmola oblysy.
Sýretterdi túsirgen
Tólegen QOSShYǴULOV.
