Prezıdent • 03 Jeltoqsan, 2021

Prezıdent Qaıyrymdy ister marafonynyń tabysty aıaqtalýymen quttyqtady

77 ret kórsetildi

QR Prezıdenti Qasym-Jomart Toqaev Táýelsizdigimizdiń 30 jyldyǵyna oraı uıymdastyrylǵan Qaıyrymdy ister marafonynyń tabysty aıaqtalýymen quttyqtady, dep habarlaıdy Egemen.kz

Memleket basshysynyń quttyqtaýyn «Jomart júrek» syılyǵy laýreattaryn marapattaý saltanatty is-sharasynda QR Aqparat jáne qoǵamdyq damý mınıstri Aıda Balaeva oqyp berdi.

«Barshańyzdy Táýelsizdigimizdiń 30 jyldyǵyna oraı uıymdastyrylǵan Qaıyrymdy ister marafonynyń tabysty aıaqtalýymen quttyqtaımyn! Bul – halqymyzdyń asyl qasıetterin dáriptep, kópshilikti jaqsylyq jasaýǵa jumyldyratyn jalpyulttyq joba. Mereıli jylda elimizde qoǵamdyq mańyzy bar naqty jumystar atqarylýda. Osy marafon – sonyń jarqyn mysaly», dep atap ótedi QR Prezıdenti.

Memleket basshysynyń dereginshe, bastamany bir jyldyń ishinde 3 mıllıon otandasymyz qoldady. 15 myńnan astam qaıyrymdylyq sharasy uıymdastyrylyp, 200 myń adamǵa kómek berildi. Munyń bári Volonter jylyndaǵy ıgilikti ister jalǵasyn taýyp, dástúrge aınalǵanyn kórsetedi.

«Álemge indet taraǵan kezde halqymyz ult bolyp uıysýdyń ozyq úlgisin tanytty. Jomart jandar karantın shekteýlerine baılanysty tabysynan aıyrylǵan jurtqa qolynan kelgen kómegin aıaǵan joq. О́z qarjysyna dári-dármek men medısınalyq qural-jabdyq alyp bergen azamattar da az emes. Shyn máninde, qıyndyqqa tap bolǵan adamǵa qamqorlyq jasaý – qanymyzda bar qasıet. Sondaı-aq baspanaǵa muqtaj júzdegen otbasyna qýanysh syılaǵan «AsarUme», «Qareket» qorlarynyń qyzmeti joǵary baǵalaýǵa laıyq. Mereıtoılyq marafon aıaqtalǵanymen, kópshilikke sharapaty tıetin qaıyrymdy ister jalǵasa beredi dep senemin. Jurtqa janashyrlyq tanytyp, halyqqa qamqorlyq kórsetip júrgen azamattarǵa shynaıy rızashylyǵymdy bildiremin. Barshańyzǵa zor densaýlyq, baq-bereke tileımin!», dep atap ótedi Qasym-Jomart Toqaev.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar