Qoǵam • 03 Jeltoqsan, 2021

Jemqorlyq: Joǵarǵy sottyń burynǵy sýdıasy 5 jylǵa sottaldy

100 ret kórsetildi

QR Joǵarǵy sotynyń burynǵy sýdıasy Meıram Janǵuttınovty 5 jylǵa sottaý týraly sheshim qabyldandy, dep habarlaıdy Egemen.kz.

Búgin Nur-Sultan qalasy Baıqońyr aýdanynyń №2 soty Meıram Janǵuttınovke qatysty alaıaqtyqqa qastandyq jasaý faktisi boıynsha (QK 24-baby 3-bóligi, 190-baby 3-bóligi 1-2 tarmaǵy) jáne L. Turǵynbaevaǵa para bergeni úshin (QK 367-baby 3-bóligi 2 tarmaǵy) aıyptaý úkimin jarııalady.

Qalalyq sottyń aqparatyna súıensek, Janǵuttınov jaýapty memlekettik laýazymdy atqaratyn tulǵa bola otyryp (QR Joǵarǵy sotynyń sýdıasy, búginde ókilettigi toqtatyldy), para alý jeleýimen Turǵynbaevadan (Shymkent qalasy Ál-Farabı aýdandyq sotynyń sýdıasy, ókilettigi toqtatyldy) deldal Abdýsattarov arqyly 7 myń AQSh dollary somasyndaǵy qarajatty ıemdenýge tyrysqan. Joǵarǵy sottyń eks-sýdıasy M. Janǵuttınov aqsha alý kezinde ustalǵan.

«Sot jaza taǵaıyndaý kezinde Janǵuttınov pen Turǵynbaevaǵa qatysty sýdıa antyn buzý aýyr jaǵdaı dep tanyp, bas bostandyǵynan aıyrý jazasyn ádil jaza dep sanady. Osyǵan baılanysty Janǵuttınov 5 jylǵa bas bostandyǵynan aıyryldy. Turǵynbaevaǵa qatysty jazany jeńildetetin mán-jaılar eskerildi. Iаǵnı, shyn júrekten ókiný jáne qylmysty ashý men oǵan qatysy barlardy áshkereleýge belsendi yqpal etkenin eskere otyryp (QK 55-baby 4-bóligi) ol 5 jylǵa sottaldy. Sottalýshynyń ekeýi de ómir boıy memlekettik qyzmette jumys isteý quqyǵynan aıyryldy», delingen habarlamada.

Sot úkimi zańdy kúshine engen joq.

Sońǵy jańalyqtar

Uqsas jańalyqtar