Ekonomıka • 03 Jeltoqsan, 2021

BJZQ tóraǵasy eń tómengi kúnkóris mólsheri nege ózgergenin túsindirdi

212 ret kórsetildi

QR Prezıdenti Qasym-Jomart Toqaev 2021 jyldyń 2 jeltoqsanynda Qazaqstan Respýblıkasynyń «2022-2024 jyldarǵa arnalǵan respýblıkalyq bıýdjet týraly» Zańyna qol qoıdy. Zańda 2022 jyldyń 1 qańtarynan bastap birqatar áleýmettik-ekonomıkalyq kórsetkishterdi ulǵaıtý kózdelgen, dep jazady Egemen.kz.

Eń tómengi jalaqy qazirgi 42,5 myń teńgeden 60 myń teńgege deıin kóbeıedi. Sonymen birge, eń tómengi zeınetaqy, eń tómengi bazalyq zeınetaqy tólemderiniń mólsheri men ózge de áleýmettik kórsetkishter ósti.

«Qazaqstan Respýblıkasynda zeınetaqymen qamsyzdandyrý týraly» Zańda «zeınetaqy jınaqtarynyń eń tómengi jetkiliktilik shegi - mindetti zeınetaqy jarnalary men mindetti kásiptik zeınetaqy jarnalary esebinen qalyptastyrylǵan, aı saıynǵy zeınetaqyny qamtamasyz etý úshin qajetti zeınetaqy jınaqtarynyń respýblıkalyq bıýdjet týraly zańda belgilengen eń tómen zeınetaqy mólsherinen kem emes eń tómen mólsheri»,  dep belgilengen.

Eń tómengi jetkiliktilik shegi (TJSh) Qazaqstan Respýblıkasy Úkimetiniń 2013 jyldyń 2 qazanyndaǵy №1042 qaýlysymen bekitilgen Ádistemege (2021 jyldyń 6 qańtaryndaǵy ózgeristerimen jáne tolyqtyrýlarymen) sáıkes jyl saıyn qaıta eseptelip otyrady jáne BAQ-ta jarııalanady.

«Bekitilgen Ádistemege sáıkes, TJSh mólsheri árbir jas ereksheligi úshin anyqtalady jáne bolashaq zeınetaqy tólemderi men zeınetaqy jarnalarynyń ósýin eskeredi. Esepteýde QR «Respýblıkalyq bıýdjet týraly» Zańyna sáıkes jyl saıyn ındeksteletin eń tómengi jalaqy, eń tómengi zeınetaqy, eń tómengi kúnkóris deńgeıi sııaqty áleýmettik kórsetkishter qoldanylady. Osyǵan baılanysty TJSh mólsheri atalǵan kórsetkishterdiń jyl saıyn ósýin eskere otyryp esepteledi», dedi BJZQ tóraǵasy Janat Qurmanov.

Bul kórsetkishterdiń ózgerýine baılanysty Úkimettiń qoldanystaǵy qaýlysyna sáıkes 2022 jyldyń 1 qańtarynan bastap TJSh qaıta esepteldi.

«TJSh asatyn somasy bar azamattar óz jınaqtarynyń bir bóligin turǵyn úı jaǵdaıyn jaqsartý, emdelýge aqy tóleý, sondaı-aq, jeke basqarýshy kompanııalarǵa ınvestısııalyq basqarýǵa berý úshin paıdalana alady», dedi Janat Qurmanov.

Sońǵy jańalyqtar

UNESCO Ahmet Baıtursynulyn alqalady

Ahmet Baıtursynuly • Keshe

Aqańnyń «Álippesi»

Rýhanııat • Keshe

Bul – josparly jóndeý

Aımaqtar • Keshe

Kofe jáne ádebıet 7

Ádebıet • Keshe

Alyptar toıynyń aptalyǵy

Aımaqtar • Keshe

Melstiń muńy men mýzasy

О́ner • Keshe

Ańyzǵa aınalǵan áýlet

Qazaqstan • Keshe

Balalarǵa bazarlyq

Qoǵam • Keshe

Jas kompozıtorlar jarysy

О́ner • Keshe

Ahmet Baıtursynuly esimi Parıjde ulyqtaldy

Ahmet Baıtursynuly • Keshe

Uqsas jańalyqtar