Úkimet • 04 Jeltoqsan, 2021

Azyq-túlik ónimderi baǵasynyń nóldik ósimi tirkeldi

57 ret kórsetildi

QR Premer-Mınıstri Asqar Mamın Úkimettiń Sıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri jóninde keńes ótkizdi, dep habarlaıdy Egemen.kz QR Premer-Mınıstriniń Baspasóz qyzmetine silteme jasap.

Keńes otyrysynda qazirgi jaǵdaı men atqarylyp jatqan jumystar týraly saýda jáne ıntegrasııa mınıstri Baqyt Sultanov, aýyl sharýashylyǵy mınıstri Erbol Qarashókeev, Básekelestikti qorǵaý jáne damytý agenttiginiń tóraǵasy Serik Jumanǵarın baıandama jasady.

Qarasha aıynda qabyldanǵan sharalar esebinen azyq-túlik ınflıasııasynyń ósý qarqyny jyldyq mánde 0,4 paıyzdyq tarmaqqa 0,9%-ǵa deıin, al jalpy ınflıasııada 0,2 paıyzdyq tarmaqqa 8,7%-ǵa deıin tómendedi.

О́tken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý ındeksi 0,0%-dy qurady. 15 óńirde baǵanyń ósýi tirkelgen joq. 3 óńirde: Nur-Sultan qalasynda 0,2%-ǵa, Pavlodar jáne Mańǵystaý oblystarynda 0,1%-ǵa baǵanyń tómendeýi baıqalady.

Besinshi apta qatarynan qaraqumyq (-0,6%), qant, sábiz, taýyq eti men kúrish (-0,1%) baǵasynyń tómendeýi baıqaldy. Qalǵan ónimderdiń baǵalary turaqty.

«Aınalym shemasyn» qarjylandyrýdyń nysanaly deńgeıi el boıynsha 99,4%-ǵa qamtamasyz etildi. «Aınalym shemasy» boıynsha alǵa qoıylǵan mindetter Nur-Sultan, Almaty jáne Shymkent qalalarynda, Almaty, Shyǵys Qazaqstan, Jambyl, Batys Qazaqstan, Qostanaı, Pavlodar, Soltústik Qazaqstan jáne Túrkistan oblystarynda oryndaldy. Qyzylorda jáne Mańǵystaý oblystarynda júrgizilip jatqan jumystardyń tómen deńgeıi tirkeldi.

О́tken aptada Básekelestikti qorǵaý jáne damytý agenttigi Qostanaı jáne Almaty oblystaryndaǵy rojkı, un, qus eti naryǵy sýbektileriniń atyna baǵalyq sóz baılasý jáne ústem jaǵdaıdy teris paıdalaný belgileriniń bolýy týraly 6 eskertý jiberdi.

Mańǵystaý, Shyǵys Qazaqstan jáne Atyraý oblystarynda óndirýshilermen, kóterme jetkizýshilermen jáne saýda jelilerimen saýda ústemesin 15%-dan 10%-ǵa deıin tómendetý týraly monopolııaǵa qarsy komplaenstiń 23 aktisi jasaldy. Jalpy, respýblıka boıynsha monopolııaǵa qarsy komplaenstiń 183 aktisi jasaldy.

Premer-Mınıstr ortalyq memlekettik jáne jergilikti atqarýshy organdarǵa qoldanystaǵy barlyq quraldardy paıdalaný arqyly áleýmettik mańyzy bar azyq-túlik ónimderiniń baǵasyn turaqtandyrý jáne tómendetý sharalaryn odan ári oryndaýdy tapsyrdy.

О́ńirlerdiń ákimdikterine turaqtandyrý qorlarynda bes aılyq azyq-túlik qoryn qalyptastyrý, azyq-túlik ónimderine shekti baǵalardy belgileý, sondaı-aq deldaldyq shemalardy tekserý jónindegi óńirlik komıssııalardyń qyzmetin jandandyrý tapsyryldy.

 

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar