Qazaqstan Respýblıkasy Bilim jáne ǵylym mınıstrliginiń buıryǵy №361

2013 jylǵy 29 tamyz , Astana qalasy Kásiptik jáne tehnıkalyq bilim berý salasyndaǵy áleýmettik áriptestik jónindegi komıssııalardyń úlgi erejesi men qyzmetiniń tártibin bekitý týraly «Bilim týraly» 2007 jylǵy 27 shildedegi Qazaqstan Respýblıkasy Zańynyń 45-1-babyna sáıkes buıyramyn: 1. Kásiptik jáne tehnıkalyq bilim berý salasyndaǵy áleýmettik áriptestik jónindegi komıssııalardyń úlgi erejesi men qyzmetiniń tártibi bekitilsin. 2. Tehnıkalyq jáne kásiptik bilim departamenti (Q.Q. Bóribekov): 1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) memlekettik tirkeýden ótkennen keıin osy buıryqtyń buqaralyq aqparat quraldarynda jarııalanýyn jáne Qazaqstan Respýblıkasy Bilim jáne ǵylym mınıstrliginiń ınternet resýrsynda ornalasýyn qamtamasyz etsin. 3. Osy buıryqtyń oryndalýyn baqylaý bilim jáne ǵylym vıse-mınıstri M.A. Ábenovke júktelsin. 4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr B.JUMAǴULOV. Qazaqstan Respýblıkasy Bilim jáne ǵylym mınıstriniń 2013 jylǵy 29 tamyzdaǵy №361 buıryǵymen bekitilgen Kásiptik jáne tehnıkalyq bilim berý salasyndaǵy áleýmettik áriptestik jónindegi komıssııalardyń úlgi erejesi men qyzmetiniń tártibi 1. Jalpy erejeler 1. Osy kásiptik jáne tehnıkalyq bilim berý salasyndaǵy áleýmettik áriptestik jónindegi komıssııalardyń úlgi erejesi men qyzmetiniń tártibi (budan ári – Úlgi ereje) «Bilim týraly» 2007 jylǵy 27 shildedegi Qazaqstan Respýblıkasynyń Zańyna sáıkes ázirlendi. 2. Osy Úlgi erejede mynadaı negizgi uǵymdar qoldanylady: 1) tehnıkalyq jáne kásiptik bilim berý uıymdarynyń ókilderi – tehnıkalyq jáne kásiptik bilim berý máseleleri jónindegi komıssııalarda oqý oryndarynyń múddesin bildiretin ýákiletti tulǵalar; 2) jumys berýshilerdiń ókilderi – Qazaqstan Respýblıkasynyń Ulttyq kásipkerler palatasynyń ókilderi tulǵasynda tehnıkalyq jáne kásiptik bilim berý máseleleri jónindegi komıssııalarda jumys berýshilerdiń múddesin bildiretin ýákiletti tulǵalar; 3) áleýmettik áriptestik – jumys berýshiler, Qazaqstan Respýblıkasynyń Ulttyq kásipkerler palatasy, jumys berýshiler birlestikteri, kásipodaqtar, memlekettik organdar jáne tehnıkalyq jáne kásiptik bilim berý uıymdary arasyndaǵy ózara qarym-qatynastar júıesi, kadrlar daıarlaý, tehnıkalyq jáne kásiptik bilim berýdi damytý máseleleri boıynsha olardyń múddelerin jáne ózge de olarmen tikeleı baılanysty qarym-qatynastardy kelisýdi qamtamasyz etýge baǵyttalǵan; 4) áleýmettik áriptestik taraptary – tıisti atqarýshy organdardyń ókilderi, jumys berýshilerdiń ókilderi, jumyskerler jáne bilim berý uıymdary. 3. Kásiptik jáne tehnıkalyq bilim berý salasyndaǵy áleýmettik áriptestik jónindegi komıssııalardyń qyzmeti (budan ári – Komıssııa) «Bilim týraly» 2007 jylǵy 27 shildedegi Qazaqstan Respýblıkasy Zańynyń 45-1-babyna, Qazaqstan Respýblıkasynyń zańnamasyna jáne osy Úlgi erejege sáıkes júzege asyrylady. 4. Komıssııalar únemi qoldanystaǵy konsýltatıvtik-keńesshi organ bolyp tabylady, onyń quramyna memlekettik ýákilettik organdar, tehnıkalyq jáne kásiptik bilim berý uıymdary, jumys berýshiler birlestikteri, kásipodaqtar, Qazaqstan Respýblıkasy Ulttyq kásipkerler palatasynyń ókilderi kiredi. 2. Komıssııanyń negizgi mindetteri men fýnksııalary 5. Komıssııanyń negizgi mindetteri: 1) ekonomıkany kadrlyq qamtamasyz etý máseleleri jóninde usynymdar ázirleý; 2) salalyq (óńirlik) komponentterdi qosqanda jáne salanyń damýyn eskere otyryp, tehnıkalyq jáne kásiptik bilimniń mazmunyn jańartý; 3) biliktilik talaptaryn jetildirýdi esepke ala otyryp, kadrlar daıarlaý sapasyn jaqsartý; 4) jumys berýshilerdiń ótinimderi negizinde tehnıkalyq jáne kásiptik, orta bilimnen keıingi bilim berý salasynda kadr­lar daıarlaýǵa arnalǵan memlekettik bilim berý tapsyrysyn qalyptastyrý; 5) kadrlar daıarlaý jáne qaıta daıarlaý máseleleri boıynsha konferensııalar, semınarlar, dóńgelek ústelder uıymdastyrý; 6) salada qyzmet isteıtin kadrlardyń biliktilikterin arttyrý jáne qaıta daıarlaý, jumyssyz halyqty jappaı jumysshy mamandyqtaryna oqytý boıynsha jumysty úılestirý; 7) ulttyq biliktilik júıesin qalyptastyrý; 8) salada kásiptik standarttar jáne salalyq biliktilik sheńberin ázirleý; 9) salaǵa mamandardyń biliktiligin sertıfıkattaý júıesin engizý; 10) tehnıkalyq jáne kásiptik bilim berýdi damytý jáne kadrlar daıarlaý jónindegi salalyq, óńirlik keńestermen ózara is-qımyldy qamtamasyz etý boıynsha usynystar daıarlaý bolyp tabylady. 6. Komıssııalardyń negizgi baǵyttary: 1) tehnıkalyq jáne kásiptik bilim júıesiniń damý strategııasyn ázirleýge qatysý; 2) tehnıkalyq jáne kásiptik bilimdi jańǵyrtý boıynsha jumysqa basqarý organdarynyń, jumys berýshilerdiń, tehnıkalyq jáne kásiptik bilim berý uıymdarynyń ókilderin, tehnıkalyq jáne kásiptik bilim berý máselelerimen aınalysatyn ǵylymı ortalyqtardy tartý; 3) eńbek naryǵynda suranysqa ıe kásipter qajettiliginiń monıtorıngi negizinde kadrlardy daıarlaýdy josparlaý men uıymdastyrýda áleýmettik áriptesterdiń áreketterin úılestirý; 4) jumys berýshilerdiń jańa tehnologııalary men talaptaryna sáıkes kásiptik standarttardyń mazmunyn ózgertý, oqý josparlary men baǵdarlamalaryn túzetý jóninde usynystardy ázirleý; 5) respýblıkalyq, óńirlik deńgeılerde jáne salalyq boljamdarmen eńbek resýrstarynyń kásiptik-biliktilik qurylymyn ózgertý perspektıvalaryn baǵalaý; 6) eńbek naryǵyn taldaý jáne kadrlardy daıarlaý, biliktiligin arttyrý júıesin damytý salasyndaǵy ǵylymı-zertteý jumystaryn úılestirý; 7) arnaıy pánder oqytýshylar men tájirıbeli óndiris mamandaryn tehnıkalyq jáne kásiptik bilim berý uıymdaryna arnalǵan oqýlyqtar men oqý-ádistemelik keshenderdi ázirleýge tartý jáne avtorlarǵa olardy basyp shyǵarýyna kómek kórsetý; 8) oqý oryndarynyń ártúrli mamandyqtar men kásipter boıynsha bilim alýshylardyń óndiristik praktıkasyn sapaly uıymdastyrý jáne ótkizý máselelerin sheshýine járdemdesý; 9) áleýmettik áriptestik boıynsha ozyq otandyq tájirıbeni zerdeleý, jalpylaý jáne taratý, buqaralyq aqparat quraldarynda, ınternet-resýrstarda jarııalaý; 10) áleýmettik áriptestik jóninde basqa elderdiń tájirıbesimen tanysý jáne zerdeleý boıynsha halyqaralyq yntymaqtastyqty damytýǵa járdemdesý, halyqaralyq jobalarǵa qatysýǵa, arnaıy pánder oqytýshylarynyń taǵylymdamadan ótýin uıymdastyrýǵa qatysýǵa tartý; 11) Qazaqstan Respýblıkasynyń azamattaryna kórsetiletin kásiptik-baǵdarlaý qyzmetterin damytýda bilimdi basqarý organdaryna jáne jumyspen qamtý máseleleri jónindegi ýákiletti organdarǵa, bilim berý uıymdaryna járdemdesý; 12) kásiptik jáne tehnıkalyq bilim salasyndaǵy normatıvtik quqyqtyq bazany jetildirý boıynsha usynystar engizý; 13) tehnıkalyq jáne kásiptik bilim beretin oqý oryndarynyń materıaldyq-tehnıkalyq bazasyn nyǵaıtý jáne damytý úshin demeýshiler men mesenattardy tartý; 14) kásibı baǵdar berý, jumysqa ornalastyrý jumystaryn júrgizý úshin aqparattyq-konsýltatıvtik qyzmetterdi qurýǵa járdemdesý; 15) kásiptik jáne tehnıkalyq bilimi bar mamandardy daıarlaýǵa memlekettik bilim berý tapsyrysyn qalyptastyrý prosesine qatysý; 16) jumys berýshilerge Qazaqstan Respýblıkasynyń aýmaǵynda qyzyǵýshylyq bildirgen mamandyqtar boıynsha oqytýdy júzege asyratyn bilim berý uıymdary týraly málimetter berý; 17) tehnıkalyq jáne kásiptik bilim berý máseleleri boıynsha ózara is-qımyldy júzege asyrýda áleýmettik áriptesterge qoldaý kórsetý; 18) Qazaqstan Respýblıkasynyń Úkimetine kadrlar daıarlaý jáne qaıta daıarlaý salasyndaǵy memlekettik saıasaty iske asyrý jóninde usynystar engizý; 19) ekonomıkany bilikti kadrlarmen qamtamasyz etý máseleleri jóninde usynymdar daıyndaý; 20) Komıssııanyń quzyretine kiretin máseleler boıynsha memlekettik organdarmen jáne uıymdarmen ózara is-qımyldy qamtamasyz etý. 7. Jumys berýshi Komıssııanyń saýaly boıynsha eńbek naryǵynda suranysqa ıe mamandar qajettiligi, personaldy kásiptik daıarlaý jáne ishki óndiristik oqytý júıesin damytý sharalary, bilim berý uıymdarynda daıyndalǵan mamandardyń sany týraly aqparat usynady. 8. Komıssııa qoıylǵan mindetterdi atqarý maqsatynda: 1) kásiptik jáne tehnıkalyq bilim júıesin jetildirý jóninde usynystar ázirleıdi; 2) memlekettik organdardan, tehnıkalyq jáne kásiptik bilim berý uıymdarynan, jumys berýshiler birlestikterinen sala úshin jumysshy kadrlaryn daıarlaý salasyndaǵy jumyspen baılanysty qajetti aqparattar men materıaldardy suratady jáne alady; 3) kadrlar daıarlaý salasyndaǵy áleýmettik áriptestiktiń ıınovasııalyq ádister men nysandardy zerdeleýde halyqaralyq uıymdarmen yntymaqtastyqty júzege asyrýǵa jáne álemdegi úzdik jetistikterge súıenip, ozyq halyqaralyq tájirıbeni praktıkaǵa engizedi; 4) statıstıka organdarynan óńirdegi kásiporyndardyń bilikti kadrlarmen qamtylǵandyǵy jáne suranysy, oqý oryndaryndaǵy kadrlar daıarlaý jaǵdaıy týraly taldamalyq materıaldardy suratady; 5) jas mamandardy daıarlaý jáne bekitý, óndiriste jumys isteıtin jumyskerlerdiń biliktiligin arttyrý máseleleri boıynsha usynystardy qarastyrýǵa jáne jumys berýshilerge qoldaý kórsetedi; 6) keńes berý quqyǵymen, tehnıkalyq jáne kásiptik bilim máseleleri boıynsha áleýmettik áriptester bolyp tabylatyn mekemelerdiń, uıymdardyń, kásiporyndardyń alqasyna (otyrystaryna, keńesterine) qatysady; 7) sala úshin kadrlar daıarlaý jáne qaıta daıarlaý máselelerine qatysty normatıvtik quqyqtyq qujattardyń jobalaryna usynystar daıyndaıdy; 8) sala úshin kadrlar daıarlaý jáne qaıta daıarlaý júıesin jetildirý jónindegi salalyq, óńirlik memlekettik organǵa usynystar engizedi. 3. Komıssııa qyzmetin uıymdastyrý 9. Respýblıkalyq deńgeıdegi komıssııa quramy ortalyq memlekettik organdar, Qazaqstan Respýblıkasynyń Ulttyq kásipkerler palatasy, jumys berýshiler qaýymdastyqtary ókilderi, bilim berý uıymdarynyń basshylary, kásipodaqtar, tehnıkalyq jáne kásiptik bilimdi damytý men kadrlar daıarlaý jónindegi salalyq jáne óńirlik keńesterdiń basshylarynan qurylady jáne Qazaqstan Respýblıkasynyń Ulttyq kásipkerler palatasy bekitedi. 10. Komıssııany onyń qyzmetine basshylyq etetin tóraǵa basqarady, otyrystaryna tóraǵalyq etedi jáne jumys josparyn bekitedi, sheshimderiniń iske asyrylýyna jalpy baqylaý jasaıdy. Komıssııa tóraǵasy bolmaǵan jaǵdaıda, onyń mindetin komıssııa tóraǵasynyń orynbasary atqarady. 11. Komıssııa otyrysy jartyjyldyqta kem degende bir ret ótkiziledi jáne músheleriniń jalpy sanynyń ekiden úsh bóligi qatysatyn, quqyly bolyp sanalady. Komıssııanyń sheshimderi otyrysqa qatysqan Keńes músheleriniń kóp daýysymen qabyldanady. 12. Komıssııa músheleri otyrysta qarastyrylatyn máselelerdi talqylaý kezinde birdeı quqyqtarǵa ıe. Komıssııanyń sheshimderi qarapaıym kóp jınalǵan daýys arqyly sheshiledi, ár múshe bir daýysqa ıe bolady. Daýys birdeı bolǵan jaǵdaıda tóraǵanyń daýysy sheshýshi bolyp tabylady. 13. О́ńirlik deńgeıdegi Komıssııanyń quramy jergilikti atqarýshy jáne ókiletti organdar, bilim berýdi basqarý, halyqty jumyspen qamtý jáne áleýmettik qorǵaý, ekonomıka jáne shaǵyn bıznes, statıstıka, kóshi-qon jáne demografııa organdary, jumys berýshiler ókilderi, memlekettik oqý oryndarynyń dırektorlary, memlekettik emes bilim sektorlary, Qazaqstan Respýblıkasynyń Ulttyq kásipkerler palatasynyń ókilderi jáne basqa da qoǵamdyq birlestikter ókilderinen qurylady. О́ńirlik deńgeıde komıssııalardyń quramy Qazaqstan Respýblı­kasynyń Ulttyq kásipkerler palatasynyń sheshimimen bekitiledi. 14. Komıssııalar janynda Qazaqstan Respýblıkasynyń Ulttyq kásipkerler palatasynyń shtattyq qyzmetkerleri qatarynan hatshylyq qurylady, onyń sany komıssııa usynysy boıynsha anyqtalady jáne mynadaı fýnksııalardy atqarady: 1) kelip túsken usynystardy jáne basqa da aqparattardy taldaý jáne júıeleý, ol boıynsha tıisti qorytyndylar shyǵarý; 2) komıssııa otyrystaryn daıyndaý jáne ótkizý; 3) qabyldanǵan sheshimderdiń oryndalýyn jáne jumys josparyna sáıkes is-sharalardyń iske asyrylýyn baqylaý; 4) komıssııa jumysy týraly esep jáne áleýmettik áriptestiktiń barlyq qatysýshylaryna usynymdar daıyndaý; 5) kásiptik jáne tehnıkalyq bilim berý boıynsha jergilikti atqarýshy jáne ókiletti organdarda, úkimette qarastyrylǵan jáne qabyldanǵan sheshimder týraly áleýmettik áriptesterdi únemi aqparattandyryp otyrý; 15. Komıssııalarǵa tehnıkalyq jáne kásiptik bilim berý salasynda áleýmettik mańyzy zor jobalardy jáne basqada jaýapty is-sharalardy daıyndaý jáne júzege asyrý úshin tehnıkalyq jáne kásiptik bilim salasyndaǵy sarapshy mamandardy tartý quqyǵy beriledi. 16. Komıssııa quramyna kiretin tulǵalardy shaqyrý jazbasha ótinish nemese ókilder qoıǵan talaptar negizinde júzege asyrylady. Bul jaǵdaıda áleýmettik áriptestik taraptarynyń qatysýshylary ketkenderdiń ornyna jańa úmitkerlerdi usynýǵa quqyly. 4. Komıssııa qyzmetiniń toqtatylýy 17. Respýblıkalyq, óńirlik deńgeıdegi komıssııa qyzmeti Qazaqstan Respýblıkasynyń Ulttyq kásipkerler palatasynyń sheshimimen toqtatylady. Buıryq Qazaqstan Respýblıkasynyń Ádilet mınıstrliginde 2013 jylǵy 2 qazanda Normatıvtik quqyqtyq kelisimderdi memlekettik tirkeýdiń tizilimine №8761 bolyp engizildi.