Elbasy • 06 Jeltoqsan, 2021

Qazaqstan-О́zbekstan qatynasynyń jańa paraǵy ashyldy - Elbasy

116 ret kórsetildi

Elbasy О́zbekstan Respýblıkasynyń Prezıdenti Shavkat Mırzııoevpen kezdesti, dep habarlaıdy Egemen.kz.

Nursultan Nazarbaev Shavkat Mırzııoevti ótken prezıdent saılaýyndaǵy aıqyn jeńisimen quttyqtap, baýyrlas О́zbekstan halqynyń ıgiligi jolyndaǵy jasampaz qyzmetine jańa tabystar tiledi.

– Saılaýaldy naýqan barysynda Siz usynǵan «Jańa О́zbekstan» strategııalyq baǵdarlamasynda naqty maqsattar men mindetter aıqyndalǵan. Halyq memlekettiń qaı baǵytta damyp kele jatqanyn bilip otyrýǵa tıis. Kezinde men de «Qazaqstan – 2030» Strategııasyn, keıin elimizdiń 2050 jylǵa deıingi damý baǵdarlamasyn usynǵan edim. Men memleket basshysy laýazymynda bolǵan jyldary árdaıym bizdiń elderimiz arasyndaǵy ekijaqty baılanystardy damytýǵa basa mán berdim. Siz muny jaqsy bilesiz, – dedi Qazaqstannyń Tuńǵysh Prezıdenti.

Elbasy búgin eki el basshylary qol qoıǵan Odaqtastyq baılanystar týraly deklarasııanyń mańyzyna toqtalyp, Qazaqstan men О́zbekstan qatynastarynyń jańa paraǵy ashylǵanyn atap ótti.

– Bizdi ortaq tarıhymyz, mádenıetimiz ben salt-dástúrimiz baılanystyrady. Elderimizdiń arasyndaǵy dostyq qarym-qatynastyń mańyzy zor. Ol týyndaǵan máselelerdi sheshýge septigin tıgizedi. О́zińizge málim, men óńirimizdegi bes memleketti ekonomıkalyq keńeske biriktirýge tyrystym. Sol úshin Ortalyq Azııa elderi basshylarynyń konsýltatıvtik keńesin qurýdy usyndym. Osy bastamany qoldaǵanyńyz úshin Sizge rızashylyǵymdy bildiremin, – dedi Nursultan Nazarbaev.

О́z kezeginde Sh.Mırzııoev Qazaqstan barlyq jetistikterine Tuńǵysh Prezıdenttiń salıqaly saıasatynyń arqasynda qol jetkizgenin aıtty. Sonymen qatar Elbasynyń Qazaqstan-О́zbekstan strategııalyq yntymaqtastyq qatynastarynyń qalyptasýy men damýyna qosqan súbeli úlesine basa mán berdi.

– Táýelsizdiktiń 30 jyly ishinde Siz qazirgi qarym-qatynasymyzdyń negizin qaladyńyz. Elderimiz arasynda árdaıym ashyq ári senimdi baılanys bolsyn dedińiz. Sońǵy bes jylda osy baǵytta serpilis bar ekenin baıqap otyrmyz. Sizben birge jumys isteı bastaǵan kezde О́zbekstan men Qazaqstan arasyndaǵy saýda aınalymy 317 mıllıon dollar bolatyn, qazir ol 4,5 mıllıard dollardan asady. Búgin Qasym-Jomart Kemeluly Toqaevpen aldymyzǵa bul kórsetkishti úsh-tórt jylda 10 mıllıard dollarǵa jetkizý týraly mańyzdy maqsat qoıdyq, – dedi О́zbekstan Prezıdenti.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar