Aýǵanstan prezıdenti AQSh kelisim-shartynan bas tartty

Aýǵanstan prezıdenti Hamıd Karzaı AQSh-pen qaýipsizdik jónindegi kelisim-shartqa qol qoımaıtynyn málimdedi. Bul týraly ITAR-TASS habarlady. Atalmysh kelisim-shartqa sáıkes, AQSh 2014 jyldan keıin de óz áskerin Aýǵanstan aýmaǵyna kirgizýi kerek bolatyn. «Beıbitshilik prosesi bastalmaı men bul kelisimshartqa qol qoıa almaımyn», – dedi Aýǵanstan prezıdenti «The Washington Post» gazetine bergen suhbatynda. Ol sondaı-aq 2001 jyldyń sońynda Aýǵanstanda bastalǵan AQSh operasııasyn synǵa aldy. «AQSh qarýly kúshteri Aýǵanstanǵa kelgendegi negizgi maqsatyn oryndaı almady, olar elde beıbitshilik ornatýy tıis bolatyn», – dedi Hamıd Karzaı. Budan buryn, Aýǵanstanda ornalasqan AQSh áskeriniń 34 myńy 2014 jyldyń aqpan aıynda, al negizgi bóligi jyldyń sońynda el aýmaǵyn bosatady dep josparlanǵan edi. Aıdar О́risbaev. Derekkóz: Itar-tass.com. Foto: Reuters.com.