Prezıdent • 07 Jeltoqsan, 2021

Otandyq ónerkásipti sıfrlandyrý belsendi júrip jatyr - Prezıdent

117 ret kórsetildi

Otandyq ónerkásipti sıfrlandyrý belsendi júrip jatyr. Bul týraly QR Prezıdenti Qasym-Jomart Toqaev «Altyn sapa» syılyǵy jeńimpazdaryn quttyqtaý kezinde aıtty, dep habarlaıdy Egemen.kz.

«Otandyq ónerkásipti sıfrlandyrý belsendi júrgizilýde. Bıyl «Aqtoǵaı» jáne «Jáırem» ken baıytý kásiporyndarynda «Indýstrııa 4.0» standartynyń elementteri bar zamanaýı baıytý fabrıkalary iske qosyldy. Soltústik Qazaqstan oblysynda Alageum Electric kompanııasynyń tórtinshi elektr-tehnıkalyq zaýyty jumysyn bastady. Ol eldegi transformatorlar óndirisin 40%, ıaǵnı jylyna 44 myń danaǵa deıin arttyrady. Olardyń jartysynan astamy eksportqa ketedi. Bul shamamen 25 myń dana ónim degen sóz.

Sondaı-aq, qýattylyǵy jylyna 500 tehnıka óndirýge jetetin germanııalyq CLAAS kompanııasynyń kombaındary men traktorlaryn qurastyrý óndirisi jolǵa qoıylǵan. Medısına ǵylymynda da aıtarlyqtaı nátıjelerge qol jetkizildi», dedi Memleket basshysy.

Qasym-Jomart Toqaev otandyq ǵylymnyń pandemııa kezinde tyǵyryqtan shyǵar jol tapqanyn da erekshe atap ótti.

«Bizdiń ǵalymdar koronavırýsqa qarsy QazVac vaksınasyn oılap taýyp, mundaı jetistikke jetken sanaýly ǵalymdardyń qataryna kirdi. Ony jappaı shyǵarý úshin Jambyl oblysynda Ortalyq Azııada halyqaralyq sapa standartyna sáıkes keletin alǵashqy bıofarmasevtıkalyq zaýyt salyndy. Men Joldaýymda 2025 jylǵa qaraı óńdeý ónerkásibiniń eksportyn bir jarym esege, al eńbek ónimdiligin 30% ulǵaıtý mindetin qoıdym. Bul óte mańyzdy maqsattar jáne soǵan qol jetkizý úshin bizde barlyq múmkindikter bar, qajetti jaǵdaılardyń bári jasalyp otyr», dedi Prezıdent.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar