DSM basshysy is-sharalar ótkizýge qatysty shekteýlerdi ár óńirdiń bas sanıtarııa dárigeri qabyldaıtynyn eske saldy.
«Otbasy ortasynda ǵana atap ótýge keńes beremiz. Jańa jyl - otbasylyq mereke, sondyqtan, árıne, jınalǵandar sanyn shektegen jón, vırýs eshqaıda ketken joq. О́kinishke qaraı, taralý, aýrý jáne ólim jaǵdaılary bar. Sondyqtan densaýlyǵymyzǵa qarap, otbasymen atap ótken durys», dedi Soı jýrnalıster suraǵyna jaýap bere otyryp.
Sondaı-aq Alekseı Soı kóp adam jınalatyn korporatıvtik sharalardy ótkizbeýge keńes berdi.
«Aýqymdy is-sharalardy shektegen jón, belgili bir talaptar bar, bir jerde jınalsa da, sany shekteledi. Kórip otyrsyzdar, tipti mektepterde kúnde jabylyp jatyr. О́ıtkeni vırýs juqtyrǵandar bar. Jalǵyz jol – vaksınasııa», dep qosty ol.
Sondaı-aq Soı Densaýlyq saqtaý mınıstrliginde korporatıvtik is-shara ótkizý josparda joq ekenin atap ótti.
«Jalpy, qazir biz keıbir onlaın konferensııalardy qospaǵanda, barlyq mańyzdy sharalardy ótkizbeımiz», dep túıindedi Soı.
