«О́nerkásipte bilikti mamandardyń jetispeýshiligi ındýstrııalandyrýdy tejeýshi faktorlardyń biri bolyp tabylady. 2025 jylǵa qaraı biz 500-ge jýyq ındýstrııalyq jobany iske qosýǵa nıettimiz. Úkimet qazirdiń ózinde osy óndirister úshin bilikti kadrlar daıarlaýdy bastaýy tıis», dedi Qasym-Jomart Toqaev «Altyn sapa» syılyǵyn tapsyrý rásimi aıasyndaǵy beıne úndeýinde.
Memleket basshysy atap ótkendeı, búginde memleket jumys berýshilerge naqty qoldaý sharalaryn kórsetýde.
«Jas mamandarǵa jumys ornynda oqytý, «alǵashqy jumys orny» sııaqty kómek kórsetý quraldary iske asyrylýda. Memleket tıisti sýbsıdııalardy kózdedi, biraq olar jetkiliksiz. Úkimet «Atamekenmen» birlesip, qyzmetkerlerdi yntalandyrý men jumyspen qamtýdyń, olardyń biliktiligin arttyrýdyń qosymsha sharalaryn ázirleýi kerek», dep tapsyrdy Prezıdent.
