Tulǵalardy sóıletken týyndylar

Kórmege qylqalam sheberiniń monýmentaldy keskindeme janryndaǵy 20 úzdik jumysy qoıyldy.

Mádenı sharanyń ashylýyn­da Elbasy kitap­hanasy Mýzeı qundy­lyqtaryn esepke alý jáne saqtaý qyzmetiniń basshysy Kúláısha Aqtaeva «Táýel­sizdiktiń mádenı negizi» jo­basy aıasynda ótken kórmeniń Qazaq­stannyń Tuńǵysh Prezı­dent kúni men Azattyǵymyzdyń 30 jyldyǵyna oraı uıymdastyrylǵanyn atap ótti.

− Nurjan Jasabekulynyń týyndylary arasyn­daǵy eń tanymaly – «El tutqa» kartınasy, ondaǵy túrli-tústi pannoda elimizdiń 117 kórnekti tulǵasyn kórkem beınelep, halqymyzdyń tarıhı kezeńderin aıshyqty kórsete bilgen,−dedi ol.

Shynynda da sýretshiniń shyǵarma­shyly­ǵynda ult tarıhy erekshe oryn alady, ásirese ol el aýma­ǵynda bolǵan tarıhı kezeńderdi tutas kórse­týge umtylǵan. Ony avtordyń kompozı­sııa­lyq qurylymy men birtutas sıýjettik serııalardy qurý qabiletinen baıqaısyz.

Kórme barysynda Qazaq­stannyń Halyq Qahar­many, general-leıtenant Baqytjan Ertaev sýretshi eńbekteri týraly parasatty oı aıta kelip: «Biz – tamyry tereń erjúrek halyqpyz. Sondyqtan da kóne shejiremiz ben tarıhymyzǵa esimi altyn árippen ja­zylǵan batyrlardy bederlegen qyl­qalam sheberiniń jumystaryna rıza bolamyn. Onyń týyndylarynda ultymyzdyń bolmysy, mádenıeti men fılosofııasy tunyp tur» dep jyly lebizin bildirdi.

Is-shara sońynda kórme ıesi óz shyǵarma­shyly­ǵyndaǵy jańasha izde­nisterine toqtalyp, jınalǵan qaýymǵa rızashylyǵyn jetkizdi.