Úkimet • 08 Jeltoqsan, 2021

Bıologııalyq qaýipsizdik týraly zań jobasy maquldandy

131 ret kórsetildi

Májilis depýtattary «Qazaqstan Respýblıkasynyń bıologııalyq qaýipsizdigi týraly» zań jobasyn birinshi oqylymda maquldady, dep habarlaıdy Egemen.kz.

«Zań jobasyn Densaýlyq saqtaý mınıstrligi múddeli memlekettik organdarmen birlesip, Memleket basshysynyń ulttyq qoǵamdyq senim keńesiniń otyrysynda bergen tapsyrmalaryn oryndaý maqsatynda ázirledi», dedi QR Densaýlyq saqtaý mınıstri Alekseı Soı palatanyń jalpy otyrysynda.

Onyń aıtýynsha, zań jobasynyń negizgi tujyrymdamasy bıologııalyq qaterlerdi erte anyqtaý jáne olardyń aldyn alý bolyp tabylady.

Zań jobasynda kelesi maqsattar kózdelgen:

  • Ýákiletti organdy aıqyndaý, bıologııalyq qaýipsizdik salasyndaǵy memlekettik organdardyń úılestirý jáne vedomstvoaralyq ózara is-qımyly, olardyń quzyretterin, sondaı-aq Qazaqstan Respýblıkasy Úkimetiniń quzyretterin aıqyndaý;
  • Qazaqstan Respýblıkasy zańnamasynyń talaptaryna sáıkes tótenshe jaǵdaılar kezinde, soǵys jaǵdaıy rejımi jaǵdaıynda jáne áskerı qaýipsizdik pen qorǵanys sheńberinde, terrorızmge jáne ekstremızmge qarsy is-qımyl jasaý, kúzetiletin adamdar men obektilerdiń bıologııalyq qaýipsizdigin qamtamasyz etý maqsatynda bıologııalyq qaýipsizdikti qamtamasyz etýge tartylǵan múddeli memlekettik organdardyń úılestirýshi rólin ahýaldyq aıqyndaý;
  • Bıologııalyq qaýipsizdik salasyndaǵy ortalyqtandyrylǵan esepke alý jáne monıtorıng, úılestirilgen den qoıý sharalaryn ázirleý jáne Qazaqstan Respýblıkasynyń aýmaǵynda bıologııalyq qaýipsizdikti qamtamasyz etý úshin memlekettik organdar arasynda aqparat almasý maqsatynda bıologııalyq qaýipsizdikti qamtamasyz etý salasynda biryńǵaı memlekettik aqparattyq júıe qurý. Mundaı júıeni qurýdyń nátıjesi boljaý, bıologııalyq qaýipterdi basqarý júıelerin qalyptastyrý bolady;
  • Árbir obektige (stasıonarlyq nemese mobıldi) patogendi bıologııalyq agenttermen jumys isteýge ruqsat alý;
  • Patogendi bıologııalyq agenttermen jumys isteýdi júzege asyratyn sýbektilerdiń olardyń menshik nysanyna qaramastan sáıkestikti baǵalaý salasynda akkredıtteýdiń mindetti rásiminen ótýi;
  • Patogendi bıologııalyq agenttermen jumys isteýdi júzege asyratyn uıymdardyń qyzmetkerlerin bıologııalyq qaýipsizdikti qamtamasyz etý máseleleri boıynsha oqytý, nusqaý berý, bilimin tekserý;
  • Patogendi bıologııalyq agenttermen jumys isteýdi júzege asyratyn memlekettik uıymdardyń qyzmetkerleri men qosalqy personalyn áleýmettik qorǵaý, olardyń jalaqysyn ulǵaıtý, eki laýazymdyq aılyqaqy mólsherinde saýyqtyrýǵa arnalǵan járdemaqy engizý;
  • Bıologııalyq qaýipsizdik salasyndaǵy ǵylymı jáne bilim berý qyzmetin retteý.

Sondaı-aq, bıologııalyq qaýipsizdik salasyndaǵy zańnamada kózdelgen talaptardyń oryndalýyn qamtamasyz etý maqsatynda memlekettik baqylaý men qadaǵalaýdy júzege asyrý kózdelgen.

Sońǵy jańalyqtar

Uqsas jańalyqtar