Prezıdent • 08 Jeltoqsan, 2021

Memleket basshysy Qyrǵyzstan Mınıstrler kabınetiniń tóraǵasyn qabyldady

69 ret kórsetildi

Memleket basshysy Qyrǵyz Respýblıkasynyń Prezıdenti Ákimshiliginiń Basshysy – Mınıstrler kabınetiniń tóraǵasy Aqylbek Japarovty qabyldady, dep habarlaıdy Egemen.kz.

Kezdesý barysynda Qazaqstan men Qyrǵyzstan arasyndaǵy ekijaqty strategııalyq yntymaqtastyqtyń ózekti máseleleri talqylandy. Saýda-ekonomıkalyq, ınvestısııalyq, mádenı-gýmanıtarlyq yqpaldastyqty damytý jónindegi naqty sharalarǵa basa mán berildi.

Qasym-Jomart Toqaev Aqylbek Japarovqa iltıpat bildire otyryp, onyń bul saparynyń dostyq, tatý kórshilik jáne odaqtastyq rýhyndaǵy qazaq-qyrǵyz qatynastaryn talqylaý turǵysynan mańyzdy ekenin atap ótti.

«Biz – baýyrlas elmiz. Memleketterimiz – Ujymdyq qaýipsizdik týraly shart uıymy men Eýrazııalyq ekonomıkalyq odaqqa múshe. Ekijaqty negizde árdaıym ózara tyǵyz yqpaldastyǵymyz ben yntymaqtastyǵymyzdy damytyp kelemiz», dedi Memleket basshysy.

Prezıdent ózara saýda-sattyqtyń oń qarqynyn atap ótti. Eki el arasyndaǵy saýda aınalymy bıylǵy 9 aıdyń qorytyndysy boıynsha 9 paıyzǵa artyp, 680 mıllıon dollarǵa jetken. Sonymen qatar yntymaqtastyqtyń barlyq áleýetin paıdalana otyryp, osy baǵyttaǵy jumys qarqynyn údete túsýdiń mańyzdy ekenin aıtty.

Aqylbek Japarov óz kezeginde kezdesýge múmkindik bergeni úshin Qasym-Jomart Toqaevqa alǵys bildirip, Qyrǵyzstan Prezıdentiniń júrekjardy sálemin jetkizdi. Sondaı-aq ol Memleket basshysy men Qazaqstan halqyn Táýelsizdiktiń 30 jyldyǵymen quttyqtady.

«Osy jyldar ishinde Qazaqstan ózin qarqyndy damyp kele jatqan el, saıası jáne ekonomıkalyq turǵydan myqty, halyqaralyq arenadaǵy ustanymy berik ári bedeldi memleket retinde tanytty. Biz Qyrǵyzstanda Sizdiń elińizdiń jetistikterine árdaıym qýanamyz jáne baýyrlas Qazaqstannyń qoldaýyn árqashan sezinemiz», dedi Qyrǵyzstan Mınıstrler kabınetiniń tóraǵasy.

Aqylbek Japarov Qasym-Jomart Toqaevqa eki el úkimetteriniń arasynda júrgizilgen kelissózderdiń tabysty bolǵanyn aıtyp, onyń qorytyndylary Qazaqstan Prezıdentiniń Qyrǵyzstanǵa josparlap otyrǵan kelesi jylǵy saparynyń sapaly ári mazmundy bolýyna septigin tıgizetinine senim bildirdi.

Áńgimelesý sońynda Qazaqstan Prezıdenti Qyrǵyzstanǵa kómek kórsetýge, eki el arasyndaǵy ózara tıimdi yntymaqtastyqty jan-jaqty damytýǵa daıyn ekenin naqtylap, Qyrǵyzstan Prezıdenti Sadyr Japarovqa sálemin joldady.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar