«Onyń túkke turǵysyz kásibı mansaby úshin Jánibek Álimhanulymen ótetin jekpe-jek úlken mańyzǵa ıe. Ol ózin chempıon retinde kórsetip, qarsylasty qabyldaıdy nemese ekinshi orta salmaqqa aýysady. Árıne, «Kanelo» ol úshin ádemi syltaý ǵana. Menińshe ondaı syltaý Andradeniń túkke tatymaıtyn kásibı mansabynyń tabytyna qaǵylǵan shege ǵana sekildi. Ol elıtalyq boksshy emes shyǵar, alaıda óte talantty sportshy. Áıtkenmen, kásibı mansabynda ylǵı da myqty qarsylastardan qashyp júrdi. Ondaı tásildi qalaı meńgergenin bilmeımin. Andradeni jaqynda bári umytady. О́ıtkeni ol úlken jekpe-jekke shyǵatyn múmkindigi bolǵan kezde de sharshy alańǵa shyqqan joq.
Men adamdardy múmkindigine qarap baǵalaǵandy qup kóremin. Andradede boksshy retinde tamasha múmkindikter boldy. Alaıda ol qatardaǵy chempıondardyń biri degen attan ári asa almady. Andrade kópshiliktiń qyzyǵýshylyǵyn týdyra almaǵan boksshy ǵoı. Ol úshin ózi kináli. Myqtylardan qashyp júrdi. Buryn Sergeı Derevıanchenkomen sharshy alańdy bólisýden bas tartsa, endi Jánibek Álimhanulynan qorqyp otyr», dep túıindedi ol tvıtterdegi jazbasyn.
