Elorda • 08 Jeltoqsan, 2021

Elordanyń tórt aýdanynda jastarǵa qyzmet kórsetiledi

31 ret kórsetildi

QR Táýelsizdiginiń 30 jyldyǵyna oraı elordalyq Jastar saıasaty máseleleri basqarmasy men «Astana jastary» KMM bastamasymen Nur-Sultannyń tórt aýdanynda alǵash ret jastarǵa qyzmet kórsetý ortalyǵy iske qosyldy, dep habarlaıdy Egemen.kz.

Elordadaǵy alǵashqy Jastarǵa qyzmet kórsetý ortalyǵy pılottyq rejımde 2021 jylǵy 1 maýsymda Saryarqa aýdanyndaǵy Gete kóshesi, 1 (eski vokzal mańynda) ashyldy.

Ortalyqqa kelip túsken ótinishter boıynsha suranystardyń kóptigine baılanysty bıylǵy qarasha aıynda basqa aýdandarda JQKO ashylǵan bolatyn: Esil aýdany - E-11 kóshesi, 10 úı mekenjaıy boıynsha «Bazar» SÚ, «Almaty» aýdany – Sátbaev kóshesi, 13a úı mekenjaıy boıynsha «Alcato» BO, «Baıqońyr» aýdany - Alash tas joly, 34/5 úı mekenjaıy boıynsha «BıgShanhaı» bazarynda ornalasqan. Ortalyqtar dúısenbiden jumaǵa deıin 9:00-den 18:00-ge deıin, túski úzilis 13:00-den 14:00-ge deıin jumys isteıdi. Senbi jáne jeksenbi demalys kúnderi.

Munda myna máseleler boıynsha keńes alýǵa bolady:

Kásiptik baǵdarlaý jáne jumysqa ornalastyrý;

Volonterlerdi qabyldaý;

Turǵyn úı boıynsha memlekettik baǵdarlamalar;

Jastar bastamalaryn qoldaý (bıznes ashý, is-sharalar uıymdastyrý, jobalardy qoldaý);

Jastardyń bos ýaqytyn tıimdi paıdalaný (sporttyq seksııalar jáne shyǵarmashylyq úıirmeler).

Jastar men jergilikti turǵyndar ótinishteriniń 80-90%-y turǵyn úı jáne jumysqa ornalasý máseleleri boıynsha boldy. Búgingi tańda qarasha aıynan beri JQKO 800-ge jýyq jasty qabyldap, olardy qoldaýǵa baǵyttalǵan memlekettik baǵdarlamalar boıynsha konsýltasııalyq kómek kórsetti.

Sońǵy jańalyqtar

Uqsas jańalyqtar