Elorda • 08 Jeltoqsan, 2021

Nur-Sultanda «Táýelsizdik. Elorda. Baıqońyr» ǵylymı-tájirıbelik konferensııasy ótti

120 ret kórsetildi

Nur-Sultan qalasynda el Táýelsizdiginiń 30 jyldyǵyna oraı «Táýelsizdik. Elorda. Baıqońyr» atty ǵylymı-tájirıbelik konferensııa ótti, dep habarlaıdy Egemen.kz.

Alqaly jıynǵa Nur-Sultan qalasy ákiminiń orynbasary Ashat Oralov, Nur-Sultan qalalyq máslıhatynyń hatshysy Erlan Kanalımov, sol sııaqty kórnekti qoǵam qaıratkerleri, Qazaqstan halqy Assambleıasynyń, ǵylymı jáne shyǵarmashylyq zııaly qaýym ókilderi, Nur-Sultan qalasy máslıhatynyń depýtattary, «Baıqońyr» aýdanynyń aqsaqaldary qatysyp, el Táýelsizdigi týraly tolǵamdy oılaryn ortaǵa saldy.

Qatysýshylar Táýelsizdik kezeńderi men jańa memlekettiń qurylýyndaǵy ózekti máselelerdi, Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Táýelsiz elimizdiń qalyptasýyndaǵy strategııalyq bastamalarynyń rólin, eldiń áleýmettik-ekonomıkalyq jáne saıası-quqyqtyq jańǵyrýynyń perspektıvalary men baǵyttaryn ózara saralady.

Konferensııa otyrysyn ashqan «Baıqońyr» aýdanynyń ákimi Nurbol Nursaǵatov bıyl el tarıhy úshin erekshe jyl ekenin aıtyp, táýelsiz Qazaqstannyń álemdik saıasatta derbes, egemendi el retinde tanylǵanyna 30 jyl tolýymen jınalǵandardy quttyqtady.

«Bul shırek ǵasyrdan astam ýaqyt. Qazaqstan Respýblıkasynyń egemendigi, táýelsizdigi uǵymdaryn sóz etkende Tuńǵysh Prezıdentimiz – Elbasy Nursultan Ábishuly týraly, onyń saıası jáne tarıhı mıssııasyn sóz etpeý múmkin emes. Táýelsizdik alý – bir, al ony qorǵap qalý, baıandy etý, keleshek urpaqqa amanat etý – bir basqa. Bul másele týraly Elbasymyz «Eldiktiń jeti tuǵyry» maqalasynda jan-jaqty naqty baǵyt-baǵdar berip ótti», dedi óz sózinde N.Nursaǵatov.

О́z kezeginde Nur-Sultan qalasy ákiminiń orynbasary Ashat Oralov ta táýelsizdik týraly óz oıymen bólisti.

«Táýelsizdik – ata-babamyzdan qalǵan asyl amanat. Ol ultymyzdyń, tilimizdiń, dástúrimizdiń myzǵymas tiregi, altyn dińgegi. О́z aldyna egemen ult bolý biraz jurtqa arman bolsa, biz úshin baǵa jetpes qundylyq», dep atap ótti A.Oralov.

Al Nur-Sultan qalalyq máslıhatynyń hatshysy Erlan Kanalımov óz sózinde tuǵyrly Táýelsizdiktiń baıandy bolýyn tileı otyryp, elordanyń Baıqońyr aýdanynyń damýyna qatysty óz oıyn jetkizdi.

Jıynǵa arnaıy qatysqan belgili qoǵam qaıratkeri, til janashyry Asyly Osman búgingi konferensııanyń mańyzdylyǵy týraly aıtty.

«Búgingi sharanyń taqyrybynyń ózi túsingen adamǵa máni zor. El táýelsizdigine arnalǵan mundaı sharalar kóptep ótkizilip, nasıhattalý kerek. Táýelsizdigimiz baıandy, tilimiz tuǵyrly bolyp, Elbasymyz aıtqandaı aldyńǵy 30 damyǵan memlekettiń birine aınalaıyq», dedi A.Osman.

Konferensııa sońynda qatysýshylar elordadaǵy Qalamgerler alleıasyndaǵy «Alash arystary» eskertkishine gúl shoqtaryn qoıyp, «Qitap qala» ashyq aspan astyndaǵy kitaphanaǵa bardy.

Sońǵy jańalyqtar

Uqsas jańalyqtar