«Tólem balansy ádisnamasy boıynsha taýarlar ımporty halyq pen bıznes tarapynan suranystyń ósýi, sondaı-aq memlekettik baǵdarlamalar men bastamalardy iske asyrý esebinen 6,8%-ǵa, ıaǵnı 40,9 mlrd AQSh dollaryna deıin ulǵaıady», dedi Erbolat Dosaev Úkimet otyrysynda.
Onyń aıtýynsha, sheteldik tikeleı ınvestorlar kiristeriniń 4,0%-ǵa ósýine baılanysty munaı men metall óndirisiniń joǵary baǵalary men kólemderine baılanysty kirister balansynyń tapshylyǵy 4,6%-ǵa, ıaǵnı 24,5 mlrd AQSh dollaryna deıin artady.
«Osylaısha, energııa resýrstaryna baǵanyń ósýine baılanysty aǵymdaǵy shottyń jaqsarýy ımport boıynsha keıinge qaldyrylǵan suranysty iske asyrý tarapynan da, sondaı-aq sheteldik ınvestorlarǵa tólemderdiń ósýi tarapynan da qysymmen tejeledi. Bul óz kezeginde valıýta naryǵyna qosymsha qysym jasaıdy», dep túıindedi Ulttyq Bank tóraǵasy.
