Jeti jasar qyz otbasyn qutqaryp, ózi qaza tapty

Soltústik Qazaqstan oblysynda 7 jasar qyz otbasyn týralap kelgen ajaldyń aranynan qutqaryp, al ózi otqa janyp ketti. Bul jantúrshigerlik oqys oqıǵa Maǵjan Jumabaev aýdanynyń Chıstov aýylynda oryn aldy. Tún ishinde úıde byqsyp shyǵyp jatqan tútinniń ıisinen oıanǵan qyz bala aınalany qaýmalap bara jatqan jalyndy kórip, ákesi men sheshesin oryndarynan turǵyzady. Al olar sol boıda jedel tereze áınegin syndyryp, basqa bólmede jatqan 2 ul balany dereý dalaǵa shyǵarǵan.  О́kinishke qaraı, eresekter ózderi syrtqa shyǵyp alǵan soń ǵana qyzdarynyń ishte qalyp qoıǵanyn baıqaıdy. Biraq bul kezde óziniń qaha­ryna minip alǵan órt úıdi túgel qaýsyryp, orap alǵan edi. Son­dyq­tan ishke qaıta kirýge eshbir múmkindik bolmaıdy. Shamasy, 7 jasar qyz tastaı qarańǵy men qara tútinniń saldarynan tysqa shyǵar joldy taba almaı qalǵan sııaqty. Tek kelesi kúni onyń múrdesi ot tolyq basylǵannan keı­­­in ǵana kúl qoqysy arasynan tabyldy. «О́rt saǵat túngi 2:25-te sóndi­rildi. Al tańǵy 5-ter shamasynda túgel aýyzdyqtaldy. Onyń ná­­­tı­­je­sinde 2 jáne 12 jastaǵy eki bala jeńil jaraqat alyp, ottyń tú­tini­nen ýlanyp qalǵan. Qazir olar aýrý­hanada jatyr. Jalyn peshten shyq­ty degen negizgi boljam bar. Demek, peshti salǵan kezde saqtyq shara­laryn qoldanbaǵan», – deıdi oblystyq tótenshe jaǵdaılar departamentiniń baspasóz hatshysy Evgenıı Jýravlev. Rýslan IGILIK.