Álem • 10 Jeltoqsan, 2021

«Omıkron» álemniń 57 elinde anyqtalǵan

4233 ret kórsetildi

Álemdi dúrliktirgen koronavırýstyń jańa «omıkron» nusqasyn juqtyrý deregi 57 elde tirkeldi, Bul týraly Dúnıejúzilik densaýlyq saqtaý uıymy málimdedi, dep habarlaıdy Egemen.kz Reuters-ke silteme jasap.

DDSU óziniń apta saıynǵy epıdemıologııalyq esebinde koronavırýstyń «omıkron» shtammynan týyndaǵan aýrýdyń aýyrlyǵyn jáne onyń mýtasııasy vaksınalarmen alynǵan ımmýnıtetti qorǵaı alatynyn baǵalaý úshin qosymsha málimetter qajet dep málimdedi.

«Derttiń aýyrlyq dárejesin eskeretin bolsaq, «deltaǵa» qaraǵanda, «omıkronnyń» taralýyna baılanysty aýrýhanaǵa jatqyzý sany artady dep kútilýde», delingen DDSU esebinde.

Eske salsaq, 26 qarashada DDSU Ońtústik Afrıkada alǵash ret tabylǵan SARS-CoV-2 besinshi shtammy - omıkron shtammynyń paıda bolǵany týraly jarııalady. Ońtústik Afrıkada tirkelgen jaǵdaılardyń sany bir apta ishinde eki ese artyp, 62000-nan asty. Uıymnyń esebinde aýrýdyń kúrt ósýi Esvatını, Zımbabve, Mozambık, Namıbııa jáne Lesotoda baıqaldy.

«Omıkron» shtammyndaǵy mýtasııalar vaksınadan alynǵan ımmýnıtetten qorǵanýdyń tómendeýine jáne vaksınanyń qosymsha dozalaryn qoldanýdy qosa alǵanda, vaksınanyń tıimdiligi týraly málimetterdi baǵalaý úshin qosymsha málimetter qajet», delingen habarlamada.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar